नई दिल्ली, 03 मई 2020। छत्तीसगढ़ हाईकोर्ट के पूर्व मुख्य न्यायाधीश अजय कुमार त्रिपाठी के कोरोना ले मौत होगे हे. त्रिपाठी अभी देश के लोकपाल के सदस्य घलो रहिस हे. पूर्व न्यायाधीश ल कोरोना पॉजिटिव के पुष्टि होय के बाद दिल्ली एम्स म अप्रैल के शुरुआती सप्ताह म भर्ती कराये गए रहिस. उंखर बेटी अउ रसोइया घलो कोरोना पॉजिटिव पाये गए रहिस, लेकिन ओमन इलाज के बाद स्वस्थ होगे. जस्टिस त्रिपाठी 62 बछर के रहिस.
जानकारी के अनुसार, अजय त्रिपाठी ल एम्स के ट्राम सेंटर म रखे गए रहिस. वो अइसे पहली मरीज रहिस, जेखर इलाज ट्रामा सेंटर म करे जावत रहिस. ओमन ल शुरू ले ही वेंटिलेटर म रखे गए रहिस. अस्पताल म कुछ दिन बर उंखर सेहत सुधरे रहिस. लेकिन अचानक ले फिर उंखर तबीयत बिगड़ गए.
आप मन ल बता देथन कि त्रिपाठी पटना उच्च न्यायालय म न्यायाधीश रहिस, एखर बाद छत्तीसगढ़ हाईकोर्ट के मुख्य न्यायाधीश बनाये गए रहिस. वो 23 मार्च 2019 के मुख्य न्यायाधीश पद ले त्याग पत्र दिस. ओखर बाद लोकपाल के न्यायिक सदस्य बनिस. अभी वो इही पद म कार्यरत रहिस.
