रायपुर, 31 दिसम्बर 2020। धरमजयगढ़ के पूर्व विधायक ओमप्रकाश राठिया के निधन होगे। कोरोना संक्रमित राठिया बीते पांच दिन ले एम्स, रायपुर म भर्ती रहिन। एमन सोशल मीडिया म स्वयं के कोरोना पॉजिटिव होए के जानकारी देहे रहिस।
2 नवंबर 1966 म जन्में ओम प्रकाश राठिया ह वर्ष 2003 अऊ 2008 म धरमजयगढ़ ले भाजपा के टिकट म जीत हासिल करे रहिन, ओमप्रकाश राठिया भाजपा शासनकाल म संसदीय सचिव घलो रहिन। एमन दू बार कांग्रेस के चनेश राम राठिया ल पराजित करे रहिन, लेकिन 2013 के चुनाव म कांग्रेस के लालजीत सिंह राठिया ले शिकस्त खाए रहिन।
