पूर्व मंत्री माधव सिंह ध्रुव के निधन, तबीयत बिगड़े के बाद अस्पताल म रिहिस भर्ती

धमतरी, 22 अक्टूबर 2020। पूर्व कैबिनेट मंत्री अऊ कांग्रेस नेता माधव सिंह ध्रुव के आज बिहनिया निधन होगे। मिले जानकारी के अनुसार पीछू कुछ दिन ले माधव सिंह ध्रुव के तबियत खराब रिहिस। धमतरी के एक निजी हॉस्पिटल म उंखर उपचार करे जावत रिहिस। बुधवार के तबीयत जादा बिगड़ जाए के सेती ओमन ल रायपुर रिफर करे रिहिस। रायपुर के एक निजी अस्पताल म इलाज चलत रिहिस। डॉ. ह उंखर नाजुक स्थिति देख के वेंटिलेटर म रखे रिहिस, जिहां आज बिहनिया उंखर मउत होगे। बता देथन कि माधव सिंह ध्रुव मध्यप्रदेश शासनकाल म जल संसाधन मंत्री रिहिस हे। ओखर बाद छत्तीसगढ़ के पहली कांग्रेस सरकार म ट्रायबल मंत्री के पद म घलो रहे हे। वो 5 बार सिहावा के विधायक घलो रह चुके हे।