भूतपूर्व विधायक मन ह मुख्यमंत्री ले मिलके आभार प्रकट करिन : श्री बघेल ह नवा छत्तीसगढ़ गढ़े बर मांगिन सुझाव

रायपुर, 06 मार्च 2020। पूर्व विधायक मन के प्रतिनिधिमंडल ह आज इहां विधानसभा परिसर स्थित सेन्ट्रल हॉल म मुख्यमंत्री श्री भूपेश बघेल ले मुलाकात करके भूतपूर्व विधायक मन के पेंशन अऊ कुटुम्ब पेंशन के राशि म बढ़ोत्तरी अऊ रेल, हवाई यात्रा अऊ बोर्डिंग बर व्यय के सीमा बढ़ाए के राज्य सरकार के फैसला बर ऊंखर प्रति आभार व्यक्त करिन। ये बेरा म विधानसभा अध्यक्ष डॉ. चरणदास महंत, विधानसभा के उपाध्यक्ष श्री मनोज मंडावी, कृषि मंत्री श्री रविन्द्र चौबे, स्वास्थ्य अउ पंचायत मंत्री श्री टी.एस. सिंहदेव, लोक यांत्रिकी मंत्री गुरू रूद्रकुमार, भूतपूर्व विधायक दल के अध्यक्ष श्री स्वरूपचंद जैन संग वरिष्ठ विधायकगण उपस्थित रहिन।

जानबा हे के मुख्यमंत्री ह विधानसभा के वित्तीय साल 2020-21 के बजट म सामान्य चर्चा म काल सदन म जवाब देवत भूतपूर्व विधायक मन के पेंशन 20 हजार रूपिया ले बढ़ाके 35 हजार रूपिया करे, कुटुम्ब पेंशन के राशि 10 हजार रूपिया ले बढ़ाके 25 हजार रूपिया करे के घोषणा करे हें। श्री बघेल ह भूतपूर्व विधायक मन ल रेल्वे कूपन, हवाई यात्रा के सुविधा के संग बोर्डिंग के सुविधा घलोक देवाए अऊ एखर सीमा दू लाख रूपिया ले बढ़ाके चार लाख रूपिया करे के घोषणा घलोक करे हें।