मुख्यमंत्री ह खैरागढ़ के विधायक अऊ पूर्व सांसद श्री देवव्रत सिंह के छायाचित्र म पुष्प अर्पित कर दीन श्रद्धांजलि

मुख्यमंत्री ह स्वर्गीय श्री देवव्रत सिंह के परिजन मन ले भेंट करके शोक संवेदना प्रगट करिन
रायपुर, 10 नवम्बर 2021। मुख्यमंत्री श्री भूपेश बघेल ह आज खैरागढ़ पहुंचके कमल विलास पैलेस म खैरागढ़ के विधायक अऊ पूर्व सांसद श्री देवव्रत सिंह के छायाचित्र म पुष्प अर्पित करके ओ मन ल श्रद्धांजलि दीन। मुख्यमंत्री ह स्वर्गीय श्री देवव्रत सिंह के परिजन मन ले भेंट करके शोक संवेदना प्रगट करिन। मुख्यमंत्री ह कहिन कि स्वर्गीय श्री देवव्रत सिंह के निधन ले हमन एक अच्छा राजनेता अऊ मित्र खो देहे हन। उंखर आकस्मिक मृत्यु राजनीति के क्षेत्र म अऊ व्यक्तिगत तौर म घलोक अपूरणीय क्षति हे।
ये दौरान गृह मंत्री श्री ताम्रध्वज साहू, नगरीय प्रशासन मंत्री डॉ. शिव डहरिया, पूर्व सांसद श्री पीएल पुनिया, आन पिछड़ा वर्ग विकास प्राधिकरण के अध्यक्ष श्री दलेश्वर साहू, छत्तीसगढ़ अंत्यावसायी सहकारी वित्त अऊ विकास निगम श्री धनेश पाटिला, राजनांदगांव के महापौर श्रीमती हेमा देशमुख, जिला सहकारी केन्द्रीय बैंक के अध्यक्ष श्री नवाज खान, राजगामी संपदा न्यास के अध्यक्ष श्री विवेक वासनिक, श्री पदम कोठारी ह घलोक श्रद्धा सुमन अर्पित कर श्री देवव्रत सिंह ल श्रद्धांजलि दीन।