नई दिल्ली,1सितंबर 2020 । पूर्व राष्ट्रपति प्रणब मुखर्जी के मंगलवार मंझनिया के दिल्ली के लोधी रोड विद्युत शव दाह गृह म पूरा राजकीय सम्मान के संग अंतिम संस्कार करे गिन। ओकर बेटा अभिजीत मुखर्जी ह अंतिम संस्कार करिस। परिजन अउ रिश्तेदार ह कोविड-19 ले बचाव के दिशा-निर्देश के अनुरूप पीपीई किट म मुखर्जी ल अंतिम विदाई दीन। सेना के टुकड़ी ह पूर्व राष्ट्रपति ल गार्ड ऑफ ऑनर अउ तोप के सलामी दीन। एकर ले पहली मुखर्जी के पार्थिव शरीर ल फूल ले सजा के वाहन म श्मशान घर लाय गिस। पार्थिव शरीर म तिरंगा लिपटे हुए रिहिस।
उल्लेखनीय हवय कि 84 वर्षीय मुखर्जी के सोमवार संझा बेरा म दिल्ली छावनी स्थित सेना के रिसर्च ऐंड रेफरल अस्पताल म निधन होगे रिहिस। ओहा 21 दिन ले अस्पताल म भर्ती रिहिस। पूर्व राष्ट्रपति प्रणब मुखर्जी ल श्रद्धांजलि देहे बर उंखर आवास म पहुचे नेता अउ आने लोगन ह न सिर्फ मास्क पहन रखे रिहिस, बल्कि छह फुट के दूरी रखत हुए कतारबद्ध होके अपन पारी के इंतजार के करिन। ‘भारत रत्न’ मुखर्जी के निधन बर देश म सात दिन के राष्ट्रीय शोक हे।
