जनजाति समाज ले बने मुख्यमंत्री आदिवासी इलाका मन के चुनौती, परिस्थिति अऊ मनोभाव ल समझही – श्री अरविंद नेताम
रायपुर, 12 दिसंबर 2023/ छत्तीसगढ़ के वरिष्ठ आदिवासी नेता, पूर्व केंद्रीय मंत्री अऊ सर्व आदिवासी समाज के प्रदेश अध्यक्ष श्री अरविंद नेताम ह श्री विष्णुदेव साय ल छत्तीसगढ़ के मुख्यमंत्री बनाए जाय म बधाई देहे हें। उमन खास तौर म देश के केंद्रीय नेतृत्व ल बधाई देवत कहिन हे कि जनजाति क्षेत्र ले मुख्यमंत्री चुने जाय ले वो आदिवासी इलाका के चुनौति, परिस्थिति अऊ मनोभाव ल समझहीं। उमन उम्मीद जताईन कि मुख्यमंत्री श्री साय जनजाति समाज ले बातचीत करके आदिवासी क्षेत्र मन के विकास ल नवा गति देहीं। उमन कहिन कि जनजाति समाज ले श्रीमती द्रोपदी मुर्मू के राष्ट्रपति बनना अऊ छत्तीसगढ़ म जनजाति समाज ले श्री विष्णुदेव साय ल मुख्यमंत्री बने के अवसर मिलना समाज बर बड़का बात हे।
श्री नेताम ह कहिन कि जनजाति वर्ग के मनखे कम बोलथें अऊ काम करथें जादा। अइसनहे नवा मुख्यमंत्री श्री साय घलोक काम करहीं। ओ मन जनजाति समाज ले होए के सेती समाज के मनोभाव ल समझहीं।