अन्त्योदय, प्राथमिकता, निराश्रित अउ निःशक्तजन राशनकार्ड धारी मन ल करे जात हे वितरित
रायपुर, 13 जुलाई 2024। प्रधानमंत्री गरीब कल्याण अन्न योजना के अंतर्गत राज्य के उचित मूल्य दुकान के माध्यम ले पात्र हितग्राही मन ल राशन के वितरण करे जात हे। मुख्यमंत्री श्री विष्णु देव साय के निर्देश म आगामी 5 साल तक निःशुल्क चावल के वितरण करे जाही। हितग्राही मन म एनीमिया अउ आन पोषक तत्व के कमी ल दूर करे बर पोषक तत्व ले भरपूर (आयरन, फोलिक एसिड, विटामिन बी-12) फोर्टिफाइड चावल मनखे मन बर बहुत ही लाभदायक हे। अन्त्योदय अउ प्राथमिकता राशनकार्डधारी परिवार, मध्याह्न भोजन योजना अउ पूरक पोषण आहार योजना के हितग्राही मन ल लाभान्वित करे जात हे।
खाद्य विभाग ह बताइस कि प्रदेश के प्राथमिकता राशनकार्ड के खाद्यानन पात्रता 1 सदस्यीय परिवार बर 10 किलो, 2 सदस्यीय परिवार बर 20 किलो खाद्यान्न 3 ले 5 सदस्यीय परिवार बर 35 किलो अउ 5 ले जादा सदस्य वाले परिवार बर 7 किलो प्रति सदस्य हर महीना चावल 1 रूपिया प्रति किलो निरधारित करे गए हे। अन्त्योदय राशनकार्ड धारी मन ल 35 किलो प्रति महिना चावल देहे जात हे। प्रदेश म प्रधानमंत्री गरीब कल्याण अन्न योजना के अंतर्गत लगभग 67 लाख 72 हजार हितग्राही मन ल लाभान्वित करे जात हे।
फोर्टिफाइड चावल वितरण योजना के तहत पीडीएस के हितग्राही मन ल खाद्य सुरक्षा के संग पोषण सुरक्षा सुनिश्चित करे बर देश म फोर्टिफाइड चावल वितरण योजना लागू करे गए हे। ए योजना के साथ पीडीएस मध्याह्न भोजन योजना अउ पूरक पोषण योजना के हितग्राही मन म एनीमिया अउ आन पोषक तत्व के कमी ल दूर करे बर वितरण करे जात हे। प्रदेश के सबो जिला मन म सार्वजनिक वितरण प्रणाली के अंतर्गत अन्त्योदय, प्राथमिकता, निराश्रित अउ निःशक्तजन राशनकार्ड धारी मन ल फोर्टिफाइड चावल के वितरण करे जात हे।