रायपुर, अभी हाल के व्यस्त दिनचर्या म मनखे मन दैनिक खान-पान म स्वाद के संग स्वास्थ्यवर्धक भोजन ल जादा प्राथमिकता देवत हें। भारतीय खाना म रोजमर्रा के पसंद चावल के उच्च गुणवत्ता अऊ पौष्टिकता भरे विकल्प अब फोर्टिफाईड चावल के रूप म मनखे मन ल मिले हे। फोर्टिफाईड चावल स्वाद अऊ सेहत ले भरपूर होथे। ये चावल सामान्य चावल के जइसे ही होथे फेर ये मा आयरन, फोलिक एसिड, विटामिन बी-12 अऊ जिंक के प्रचुर मात्रा होए ले ये जादा पौष्टिक अऊ स्वास्थ्यवर्धक होथे।
फोर्टिफाईड चावल मनखे मन के खुराक म जरूरी पौष्टिक तत्व मन के पूर्ति करे के संग कुपोषण के नियंत्रण म काफी हद तक मददगार होथे। ये मां उपस्थित आयरन खून के कमी ल रोकथे, जेखर से एनीमिया ले बचाव होथे। फोलिक एसिड गर्भावस्था के समय महिला मन के शरीर म भ्रूण विकास अऊ रक्त निर्माण म सहायता करथे। एकर से विटामिन बी-12 शरीर म खून के निर्माण अऊ नर्वस सिसटम के सामान्य काम-काज म सहायक होथे। फोर्टिफाईड चावल के खूबी अऊ पौष्टिकता ल देखत मुख्यमंत्री श्री भूपेश बघेल के पहल म एला सार्वजनिक वितरण प्रणाली के तहत आकांक्षी अऊ जादा प्राथमिकता वाले जिला मन म वितरित करे जात हे।
सुवाद अऊ सेहत ले भरपूर हे फोर्टिफाईड चांउर
