- जिंदल समूह हा रायगढ़ क्षेत्र म औद्योगीकरण के साथ चिकित्सा अउ शिक्षा के क्षेत्र म श्री भूपेश बघेल सराहनीय काम करिस
- लगभग 25 करोड़ रूपए के लागत से अस्पताल म चिकित्सा के नवा सुविधा विकसित कर जाही, अउ 85 बिस्तर जोड़े जाही
- जेएसपीएल रायगढ़वासी मन के स्वास्थ्य सेवा बर उखर प्रति जागरुख (प्रतिबद्ध) हे श्री नवीन जिन्दल
- मुख्यमंत्री श्री बघेल ला श्री नवीन जिंदल हा मुख्यमंत्री सहायता कोष बर 2 करोड़ रूपए के चेक भेट करिस
रायपुर, 29 जून 2020/ मुख्यमंत्री श्री भूपेश बघेल हा आज छत्तीसगढ़ के औद्योगिक नगरी रायगढ़ के फोर्टिस-ओपी जिन्दल अस्पताल अउ शोध केन्द्र के फेज-2 के विस्तार कार्य मन के अपन रायपुर निवास कार्यालय से ऑनलाईन भूमिपूजन अउ शिलान्यास करिस । लगभग 25 करोड़ रूपए के लागत से ये अस्पताल म नवा सुविधा विकसित करे जाही अउ 85 अतिरिक्त बिस्तर जोड़े जाही । ये अवसर म जेएसपीएल के चेयरमैन श्री नवीन जिन्दल मुख्यमंत्री निवास म अउ रायगढ़ के कार्यक्रम स्थल म जिंदल परिवार के सदस्य अउ अस्पताल के चिकित्सक अउ कर्मचारी उपस्थित रहिस । मुख्यमंत्री हा श्री नवीन जिंदल सहित जिंदल समूह के सबो लोगन मन ला बधाई अउ शुभकामना दीस । श्री नवीन जिंदल हा ये अवसर म मुख्यमंत्री सहायता कोष बर 2 करोड़ रूपए के चेक मुख्यमंत्री ला सौपीस । श्री बघेल हा ये सहयोग बर उमन ला धन्यवाद घलव दिस ।
मुख्यमंत्री हा ये अवसर म कहिस कि फोर्टिस-ओपी जिन्दल अस्पताल रायगढ़ अउ ओखर आसपास के लोगन मन बर एक सर्वसुविधायुक्त अस्पताल उपलब्ध हे जिहा अनुभवी चिकित्सक मन के साथ-साथ अंतर्राष्ट्रीय स्तर की चिकित्सा सुविधा उपलब्ध हे । उमन कहिस कि ये अस्पताल के विस्तार से क्षेत्र के लोगन मन ला अउ जादा अच्छा स्वास्थ्य सुविधा उपलब्ध हो सकही । कोविड-19 समेत अउ दूसर गंभीर बीमारी के इलाज बर अब कोई दूसर शहर में नई जाये ला पड़े । श्री बघेल हा औद्योगिक सहित शिक्षा अउ चिकित्सा के क्षेत्र म जिंदल समूह द्वारा रायगढ़ क्षेत्र म करे गे काम मन के प्रशंसा करिस। श्री बघेल ह कोरोना के वैश्विक महामारी के दौर म जिंदल समूह द्वारा चिकित्सा सहित अउ दूसर क्षेत्र म सबो आवश्यक सहयोग देके श्री नवीन जिंदल धन्यवाद दिस । मुख्यमंत्री हा कहिस कि कोरोना संकट के दौर म सबो झन अपन स्वास्थ्य के प्रति सचेत रहे अउ रोग प्रतिरोधक क्षमता ला बढ़ाये के आवश्यकता हे । छत्तीसगढ़ के ग्रामीण अउ शहरी क्षेत्र म कोरोना संक्रमण रोके बर राज्य सरकार के साथ ग्रामीण अउ शहर के नागरिक अउ सामाजिक संगठन मन से मिलके काम करिस। एखर से संक्रमण ला बहुत हद तक रोके म सफलता मिलहि ।
जेएसपीएल के चेयरमैन श्री नवीन जिन्दल हा ये अवसर म कहिस कि जम्मो देश म ये चर्चा हे कि कोरोना संक्रमण रोके म मुख्यमंत्री श्री भूपेश बघेल के नेतृत्व म छत्तीसगढ़ में अच्छा काम करे गिस । संक्रमण रोके म सफलता मिलही । उमन कहिस कि फोर्टिस ओपी जिंदल अस्पताल के विस्तार ले रायगढ़ क्षेत्र के लोगन मन ला विशेष रूप से गरीब मन ला बेहतर चिकित्सा सुविधा मिलही । उमन कहिस कि ये अस्पताल के विस्तार काम दो साल म पूरा होही । राज्य सरकार कोविड-19 संकट के दौरान हेल्थ, शिक्षा अउ उद्योग मन के क्षेत्र म जो भी जिम्मेदारी देहि ओला हम पूरा करबो । उखर संस्थान रायगढ़ निवासी मन के स्वास्थ्य सेवा बर प्रतिबध्द हे । दूसर चरण के निर्माण के साथ साथ ये अस्पताल 155 बिस्तर के हो जहि ।
फोर्टिस ओपी जिन्दल हॉस्पिटल म फेज-2 के निर्माण से स्वास्थ्य सेवा म कई नवा आयाम जुड़ही अउ नेफ्रोलॉजी, गैस्ट्रोएंटेरोलॉजी समेत अउ दूसर सुविधा उपलब्ध होही । आइसोलेशन, डायलिसिस ले संक्रमित मरीज मन ला विशेष लाभ मिलही । फोर्टिस ओपी जिन्दल अस्पताल रायगढ़ क्षेत्र के एकमात्र सर्वसुविधायुक्त सुपर स्पेशयलिटी हॉस्पिटल हे जिहा अंतरराष्ट्रीय स्तर के चिकित्सा सुविधा, अत्याधुनिक उपकरण, अनुभवी चिकित्सक मन, नर्स मन अउ सहायक मन के टीम सेवा समर्पित हे । फोर्टिस ओपी जिन्दल अस्पताल म हृदय रोग, न्यूरो अउ स्पाइन रोग, हड्डी अउ जोड़ प्रत्यारोपण, नाक कान अउ गला रोग, स्त्री अउ प्रसूति (प्रसव) रोग, बाल्य अउ शिशु रोग, छाती अउ फेफड़ा रोग, जनरल अउ लेप्रोस्कोपिक सर्जरी, फिजिशियन, नेत्र रोग, रेडियोलोजी, दंत रोग, मुख अउ जबड़ा रोग, फिजियोथेरेपी, पैथोलॉजी अउ आहार विशेषज्ञ मन के टीम मौजूद हे ।
फोर्टिस ओपी जिन्दल अस्पताल क्षेत्र म एकमात्र कैथलैब, 64 स्लाइड सीटी स्कैन, आधुनिक उपकरण से युक्त ऑपेरशन थियेटर, ब्लड अउ कंपोनेंट बैंक, एफरेसिस मशीन, पैथोलॉजी, आईसीयू अउ बर्न आईसीयू अउ डायलिसिस के सुविधा उपलब्ध हे । फोर्टिस ओपी जिन्दल अस्पताल ला विश्वसनीय अउ उत्तम स्तर के चिकित्सा सुविधा बर ये साल नाभ (एनएबीएच) द्वारा मान्यता प्रदान करे गेहे । फोर्टिस ओपी जिंदल हॉस्पिटल म राज्य सरकार द्वारा मान्यता प्राप्त स्वास्थ्य योजना, स्मार्टकार्ड, चिरायु योजना अउ दूसर जम्मो योजना के लाभ मरीज मन दे जाथे ।
दुर्ग ले गुरतुर गोठ बर सोनू कुमार