छत्तीसगढ़ के 36 भाजी के संरक्षण बर दीनदयाल ल पादप जीनोम सेवियर पुरस्कार

छत्तीसगढ़ के चार किसान मन ल परंपरागत किस्म के संरक्षण बर पादप जीनोम सेवियर पुरस्कार
रायपुर, राज्य के बीजापुर, जांजगीर-चांपा अऊ बालोद के प्रगतिशील कृषक श्री लिंगुराम ठाकुर, श्री दीनदयाल यादव, श्री हेतराम देवांगन अऊ श्री संजय प्रकाश चौधरी ल देशी अऊ परम्परागत किस्म के संरक्षण अऊ संवंर्धन बर पादप जीनोम सेवियर पुरस्कार ले डेढ़ लाख रूपिया के राशि अऊ प्रशस्ति पत्र प्रदान करके सम्मानित करे गीस। नई दिल्ली के पूसा परिसर म आयोजित सम्मान समारोह म केन्द्रीय कृषि मंत्री श्री नरेन्द्र सिंह तोमर ह छत्तीसगढ़ राज्य के चार प्रगतिशील कृषक मनल सम्मानित करिस।
ये सम्मान भारत सरकार के कृषि अऊ किसान कल्याण मंत्रालय के पौधा किसिम अऊ कृषक अधिकार संरक्षण प्राधिकरण कोति ले हर साल देश के कृषक मन ल देशी अऊ परम्परागत किस्म के संरक्षण, संवंर्धन अऊ उन किस्म मन के उत्पादन ल बढ़ावा देहे बर प्रदान करे जाथे। सम्मान समारोह म कृषि महाविद्यालय, रायपुर के आनुवांशिकी अऊ पादप प्रजनन विभाग के विभागाध्यक्ष अऊ पौधा किसिम अऊ कृषक अधिकार संरक्षण प्राधिकरण, छत्तीसगढ़ के नोडल अधिकारी, डॉ. दीपक शर्मा घलोक उपस्थित रहिन। कृषि अऊ जल संसाधन मंत्री श्री रविन्द्र चौबे अऊ इंदिरा गांधी कृषि विश्वविद्यालय के कुलपति डॉ. एस.एस. सेंगर ह पुरस्कृत कृषक मन ल बधाई अऊ शुभकामना देहे हें।
इंदिरा गांधी कृषि विश्वविद्यालय के कुलपति डॉ. एस.एस. सेंगर ह पुरस्कृत कृषक मन ल बधाई अऊ शुभकामना देहे हें। पौधा किसिम अऊ कृषक अधिकार संरक्षण प्राधिकरण कोति ले छत्तीसगढ़ के बीजापुर जिला के प्रगतिशील कृषक लिंगुराम ठाकुर ल सम्मानित करे गए हे। कृषि विज्ञान केन्द्र, बीजापुर के मार्गदर्शन म काम करत ठाकुर ह आदिवासी बहुल क्षेत्र म धान के विलुप्त प्राय प्रजाति मन के संरक्षण अऊ संवंर्धन म अहम भूमिका निभाए हे। पादप जीनोम सेवियर पुरस्कार 2021 के तहत छत्तीसगढ़ के कृषि विज्ञान केन्द्र, जांजगीर चांपा के मार्गदर्शन म कार्यरत कृषक दीनदयाल यादव ल छत्तीसगढ़ के 36 भाजी मन के संरक्षण अऊ पारंपरिक किस्म मन के संरक्षण अऊ संवर्धन बर सम्मानित करे गए हे। कृषि विज्ञान केन्द्र, जांजगीर चांपा के कुशल मार्गदर्शन म ही कार्यरत कृषक हेतराम देवांगन ल सांइ करेला, सांइ लौकी के देशी किस्म मन के संरक्षण अऊ संवर्धन बर भारत सरकार कोति ले सम्मानित करे गए हे। छत्तीसगढ़ के कृषि विज्ञान केन्द्र, बालोद के मार्गदर्शन म कार्यरत कृषक संजय प्रकाश चौधरी ल अरकार दुबराज के संरक्षण अऊ पारंपरिक ज्ञान ले जैविक खेती म कई ठन नवीन प्रयोग ले चुने गए नवा किस्म मन के संरक्षण बर सम्मानित करे गए हे। श्री चौधरी पंचगव्य ले धान के 11 पारम्परिक किस्म मन के जैविक खेती करत हे, जेखर से ए किस्म मन म चावल बहुत सुगंध अऊ स्वाद म उत्तम पाए गए हे। छत्तीसगढ़ के ए प्रगतिशील कृषक मन के अथक परिश्रम अऊ उदीम ले देशी किस्म मन के संरक्षण म योगदान बर छत्तीसगढ़ राज्य के नाम राष्ट्रीय स्तर म गौरवान्वित होए हे।