चार अउ कोरोना संक्रमित होइस ठीक, लगातार दू रिपोर्ट निगेटिव आये के बाद एम्स ह करिस डिस्चार्ज

रायपुर, 15 अप्रैल 2020। छत्तीसगढ़ के राजधानी रायपुर ले ये बेरा बड़का अउ सुखद ख़बर ये हे कि चार अउ कोरोना संक्रमित मरीज ठीक होगे हे. लगातार दू रिपोर्ट निगेटिव आये के बाद एम्स ह उमन ल छुट्टी दे दिये हे. ये सबो वही चार मरीज हे, जोन मन कोरबा जिला के कटघोरा म मिले रहिस. चार अउ मरीज के ठीक होए के बाद अब प्रदेश म एक्टिव मरीज मन के संख्या 16 हे.