रायपुर, 4 अक्टूबर 2020। संचालक मछली पालन छत्तीसगढ़ ह राज्य के मत्स्य पालक कृषक मन ले मछली पालन के नाम म होवइया ठगी ले सावधान रहे के अपील करिन हे। संचालक मछली पालन ह कहिन हे कि प्रदेश म कुछ अशासकीय संस्था अउ फर्म मन द्वारा मत्स्य कृषक मन के भूमि म तालाब निर्माण करवा के मछली पालन के व्यवसाय करे के संबंध म प्रलोभन देहे जाए के शिकायत विभाग ल मिले हे। ये संस्था मन द्वारा मत्स्य कृषक मन ले एक बड़का राशि लेके उंखर भूमि म मत्स्य पालन के व्यवसाय करे अउ उमन ल एक निश्चित मासिक आय के घलो लालच देहे जावत हे। कान्ट्रेक्ट फार्मिंग या राशि दोगुना करे के प्रस्ताव अशासकीय संस्था अउ फर्म मन द्वारा कृषक मन ल देहे जावत हे।
संचालक मछली पालन ह कहिन हे कि छत्तीसगढ़ शासन के मछली पालन विभाग अथवा छत्तीसगढ़ शासन द्वारा अइसे कोनो भी योजना ल प्रमाणित नई करे गे हे। मत्स्य कृषक मन ले अपील करे गे हे कि ये तरह के प्रलोभन ले बचें। अशासकीय संस्था मन/फर्म मन के कोनो भी योजना म खुदे विचार कर, वैधानिक अउ आर्थिक पक्ष मन ल भली-भांति समझ-बूझ कर ही राशि के निवेश करें अन्यथा शासन या मछली पालन विभाग एखर बर कोनो भी तरह ले जिम्मेदार नई होही।
