रायपुर, 9 अक्टूबर 2020। राजधानी रायपुर म ठगी के दू अलग मामला आगु आये हे। पहली मामला भनपुरी के प्रगति विद्यालय ले जुड़े हे। इहां महिला कर्मचारी ऊपर 14 लाख 41 हजार के ठगी के आरोप लगे हे। महिला कर्मचारी ऊपर फीस के राशि म हेर फेर करे के आरोप लगे हे।
उहें दूसर मामला नौकरी दिलाये के नाम म बेरोजगार मन ले 23 लाख के ठगी करे के हे। हॉस्टल अधीक्षक अउ पटवारी के पद म नौकरी लगाये के झांसा देके मनीष सोनी के खिलाफ धोखाधड़ी के मामला दर्ज करे गए हे। गोलबाजार थाना क्षेत्र के ये मामला म मनीष ऊपर 7 लोगन मन ले 23 लाख रुपिया अइठे के आरोप हे।
