बलरामपुर: आमजन ल मिलत हे निःशुल्क मोतियाबिंद ऑपरेशन सुविधा के लाभ

बलरामपुर 21 मई 2024/कलेक्टर श्री रिमिजियुस एक्का के निर्देशन अउ मुख्य कार्यपालन अधिकारी श्रीमती रेना जमील के मार्गदर्शन म जिला म आम नागरिक मन ल जिला अस्पताल बलरामपुर म मोतियाबिंद ऑपरेशन के सुविधा के लाभ मिलत हे। मुख्य चिकित्सा अउ स्वास्थ्य अधिकारी डॉ. बसंत कुमार सिंह ह बताइस जिला अस्पताल म हफ्ता म 04 दिन मंगलवार, बुधवार, बिरसपतवार, सनिवार के मोतियाबिंद के ऑपरेशन करे जात हे। उमन आम नागरिक मन ले कहिन हे कि मोतियाबिंद या आन नेत्र संबंधी बीमारी के इलाज बर जिला अस्पताल के नेत्र विभाग म संपर्क करके अपन बीमारी के निःशुल्क अउ समुचित इलाज करा सकत हव। जिला अस्पताल के मुख्य अस्पताल अधीक्षक डॉ. रामेश्वर शर्मा ह बताइस के जिला अस्पताल के कक्ष नंबर 58 म बाह्य चिकित्सा सुविधा (ओ.पी.डी.) जांच के सुविधा हे, जिला अस्पताल म दू नेत्र विशेषज्ञ चिकित्सक घलोक पदस्थ हे। जिला नोडल अधिकारी डॉ. विवेक कुमार सिंह नेत्र विशेषज्ञ ह जानकारी दीन हे कि मोतियाबिंद ले नजर धुंधला होए के सेती 6 मीटर दूर ले दिखाई देहे म परेशानी होथे अउ एक चीज डबल दिखाई देथे, अइसन मरीज अस्पताल म आके जांच करा सकत हें। उमन बताइन कि पउर साल 2023 म मोतियाबिंद के 1103 ऑपरेशन जिला अस्पताल म करे गीस अउ ए साल अपरेल महिना 2024 तक कुल 71 ऑपरेशन करे जा चुके हे।