- एससी, एसटी अऊ ओबीसी वर्ग के युवा मन बर हे योजना
दुर्ग, युवा कैरियर निर्माण योजना के तहत प्रतियोगी परीक्षा के तैयारी करे के इच्छुक अनुसूचित जाति, अनुसूचित जनजाति अऊ आन पिछड़ा वर्ग के छात्र छात्रा मन ल निशुल्क प्रशिक्षण देहे जात हे। योजना के लाभ प्राप्त करे बर इच्छुक युवा मन ल आयुक्त कार्यालय, आदिम जाति अउ अनुसूचित जाति विकास विभाग इंद्रावती भवन, अटल नगर, नवा रायपुर म अवइया 12 दिसंबर संझा 4:00 बजे तक आवेदन प्रस्तुत करना होही। योजना के बारे म जादा जानकारी अऊ आवेदन पत्र के प्रारूप विभाग के वेबसाइट www.triblecg.gov.in म हे। इच्छुक अभ्यर्थी ल खुद या डाक के माध्यम ले आवेदन प्रस्तुत करना होही। योजना के तहत प्रशिक्षण बर अवइया 20 दिसंबर 2019 के रायपुर म प्रवेश परीक्षा लेहे जाही। परीक्षा के समय भिनसरहा 11:00 ले मंझनिया 2:00 बजे तक होही। परीक्षा के बाद चुने गए युवा मन ल आदिम जाति कल्याण विभाग कोति ले इंपैनल्ड करके निजी कोचिंग संस्था कोति ले संघ अउ राज्य लोक सेवा आयोग के परीक्षा मन बर कोचिंग दिए जाही।