मुख्यमंत्री श्री साय बोलिन – भारत-यूके एफटीए ले किसान, बुनकरों अऊ युवा मन बर खुलही वैश्विक बाज़ार
रायपुर, मुख्यमंत्री श्री विष्णु देव साय ह भारत अऊ यूनाइटेड किंगडम (UK) के बीच मुक्त व्यापार समझौता ल भारत के विकास यात्रा के नवा अध्याय बताए हें अऊ प्रधानमंत्री श्री नरेंद्र मोदी के दूरदर्शी अगुवई के प्रति आभार जताए हें।
मुख्यमंत्री श्री साय ह कहिन के ये समझौता नइ केवल भारत के आर्थिक क्षितिज ल विस्तार देही, बल्कि विशेष रूप ले अइसन राज्य जेनमन कृषि, शिल्प, लघु अऊ कुटीर उद्योग मन उपर आधारित हे – जइसे छत्तीसगढ़ – ओ मन ल वैश्विक व्यापार के हिस्सा बने के ऐतिहासिक अवसर मिलही।
मुख्यमंत्री श्री साय ह कहिन के भारत-यूके एफटीए ले भारत के 99% निर्यात उत्पाद मन ल ब्रिटेन म शुल्क मुक्त पहुंच मिलही। एखर से किसान मन, एमएसएमई, हस्तशिल्पी, बुनकर अऊ पारंपरिक उत्पाद मन ल सीधा लाभ मिलही। ए समझौता ले अनुमानित $23 अरब डॉलर के नवा व्यापार अवसर खुलही।
मुख्यमंत्री श्री साय ह कहिन के ये ऐतिहासिक कदम छत्तीसगढ़ जइसे कृषि अऊ श्रम प्रधान राज्य मन बर एक नवा भरोसा लेके आए हे। उमन विश्वास व्यक्त करिन के ये समझौता छत्तीसगढ़ बर कृषि ल बल, उद्योग ल संबल अऊ युवा मन ल नवा रोजगार के अवसर देही। उमन कहिन के राज्य सरकार स्थानीय उत्पादक मन ल वैश्विक मानक के जइसे तैयार करे बर विशेष प्रशिक्षण, गुणवत्ता नियंत्रण, अऊ निर्यात सहायता केंद्र मन के स्थापना म काम करत हे।
मुख्यमंत्री श्री विष्णु देव साय ह ए उपलब्धि बर प्रधानमंत्री श्री नरेंद्र मोदी ल कोटिशः धन्यवाद देवत कहिन के ये ऊंखर दूरदर्शी अगुवई, आर्थिक सुधार अऊ ‘वोकल फॉर लोकल’ ल ग्लोबल स्तर म पहुंचाए खातिर उंखर प्रतिबद्धता के प्रमाण हे।
भारत-यूके मुक्त व्यापार समझौता म दस्खत: छत्तीसगढ़ बर खुलिस नवा दुवारी
