मुख्यमंत्री ह स्वतंत्रता संग्राम सेनानी स्व. पंडित वामनराव लाखे के जयंती म उन ल करिन नमन

रायपुर, मुख्यमंत्री श्री भूपेश बघेल ह आज अपन निवास कार्यालय म स्वतंत्रता संग्राम सेनानी स्वर्गीय पंडित वामनराव लाखे के जयंती म ऊंखर फोटू उपर फूल चढ़ा के ओ मन ल नमन करिन। मुख्यमंत्री ह ये बेरा म देश के स्वतंत्रता संग्राम अऊ छत्तीसगढ़ म सहकारिता आंदोलन ल मजबूत बनाए बर ऊंखर योगदान ल सुरता करिन।
जानबा हे के स्वर्गीय श्री लाखे जी ल छत्तीसगढ़ म सहकारिता के जनक के रूप म जाने जाथे। ऊंखर प्रयास ले रायपुर म पहिली सहकारी बैंक के स्थापना होइस। श्री लाखे ह छत्तीसगढ़ म स्वतंत्रता संग्राम के समय जनजागरण म घलोक जबर भूमिका निभाए रहिन अऊ कई आंदोलन मन के नेतृत्व करे रहिन। छत्तीसगढ़ के पहिली मासिक पत्रिका छत्तीसगढ़ मित्र के सम्पादक के रूप म उमन इहां पत्रकारिता के बुनियाद रखिन। राष्ट्रीय चेतना के विकास म ये पत्रिका ह प्रमुख भूमिका निभाए हे। ये बेरा म नगरीय प्रशासन मंत्री डॉ. शिवकुमार डहरिया, खाद्य मंत्री श्री अमरजीत भगत, छत्तीसगढ़ राज्य खनिज विकास निगम के अध्यक्ष श्री गिरीश देवांगन घलोक उपस्थित रहिन।