जगदलपुर, 5 जनवरी 2021। सेक्शन के डिलमिली स्टेशन म कल शाम मालगाड़ी दुर्घटनाग्रस्त होगे। मालगाड़ी दंतेवाड़ा के किरंदुल ले लौह अयस्क भरके विशाखापट्नम जावत रहिस। किरंदुल-कोत्तावालसा रेललाइन के डिलमिली रेलवे स्टेशन म ये दुघर्टना होय हे। बताये जावत हे कि ब्रेक फेल होय ले मालगाड़ी लूप लाइन ल पार करके खेत म जा घुसीस। दोहरा लाइन होय ले रेल मन के आवाजाही जारी हे। एखर सेती रेल आवागमन म कोई प्रभाव नई पड़े हे। ये दुर्घटना म मालगाड़ी के 24 डिब्बा अऊ 3 इंजन पटरी ले उतर के बुरा तरह ले क्षतिग्रस्त होगे। दुर्घटना के बेरा मालगाड़ी म सिर्फ ड्राइवर ही सवार रहिस जोन मन ल मामूली खरोच आये हे।
ब्रेक फेल होय ले खेत म जा घुसीस मालगाड़ी, ड्राइवर ल आईस चोट
