दुर्ग, 13 सितंबर 2020। सोमवार ले जिला अस्पताल म फीवर सेंटर म 3 काउंटर शुरू हो जाही। ये संबंध म तैयारी पूरा कर लेहे गे हे। आज कलेक्टर डॉ. सर्वेश्वर नरेंद्र भुरे ह पुनः जिला अस्पताल के निरीक्षण करिन। इहां वो कैसुअल्टी वार्ड घलो पहुंचिस। इहां 15 बेड के आइसोलेशन वार्ड बनाये गे हे। एमा 15 अतिरिक्त बेड के व्यवस्था घलो करे के निर्देश कलेक्टर ह दीन। ओमन अस्पताल अवइया पेशेंट ल आते ही स्टेबल करे के निर्देश दिस। कलेक्टर ह अस्पताल म दवा के उपलब्धता के संबंध म घलो जानकारी लिन। संग ही ओमन कोरोना वारियर बर आवश्यक पीपीई जइसे सुरक्षा उपकरण मन के जानकारी घलो लिन। ओमन कहिन कि जोन गंभीर मरीज आथे अउ सांस ले म दिक्कत जइसे लक्षण ले गुजरत हे, ओमन ल आपात कालीन कोरोना प्रोटोकॉल के मुताबिक स्टेबल करे। एखर बर पूर्व म प्रशिक्षण घलो देहे गे हे। कलेक्टर ह कहिन कि फीवर क्लिनिक म व्यवस्था बेहद अहम हे। सोशल डिस्टेंसिंग बने रहे। नवा काउंटर शुरू होय के पश्चात समय काफी घट जाही, एखर ले सोशल डिस्टेंसिंग बनाये रखे म आसानी होही।
कलेक्टर ह फीवर क्लिनिक म काम करत हेल्थ स्टाफ ले घको चर्चा करिन। ओमन सिविल सर्जन ले लगातार ये दिशा म मॉनिटरिंग करे बर कहिन ताकि जल्द ले जल्द सैंपल ले के प्रक्रिया पूरा करे जा सके अउ लोगन मन ल टेस्ट बर न्यूनतम समय लगे। कलेक्टर ह रात के पाली म जिला चिकित्सालय के व्यवस्था के जानकारी घलो लिन। सिविल सर्जन ह रात के समय डयूटी बर लगाए गे स्टाफ के जानकारी दीन। ओमन बतइस कि सबो ल दायित्व के जानकारी दे देहे गे हे अउ वो मन एखर निर्वहन करत हे। आपात केस बर आवश्यक प्रोटोकॉल के अनुसार कार्रवाई करे जाथे। ओमन बतइस कि रात के समय सैंपलिंग बर घलो दल बनाये गे हे। ये दौरान एसडीएम खेमलाल वर्मा घलो मौजूद रिहिस। ओमन बतइस कि शनिवार के मउका म करे गे निरीक्षण के अनुरूप देहे गे निर्देश मन के पालन सुनिश्चित कराये जावत हे। नवा काउंटर के तैयारी होगे हे। सोमवार ले ये शुरू हो जाही। कलेक्टर ह अस्पताल परिसर के नियमित सैनिटाइजेशन अउ साफ सफाई के उत्तम व्यवस्था के संबंध म घलो अधिकारी मन ल निर्देशित करिन।