रायपुर, 17 अक्टूबर 2020। दक्षिण पूर्व मध्य रेलवे ले होके चलइया 02815 / 02816 दुर्ग-जम्मूतवी-दुर्ग साप्ताहिक पूजा स्पेशल ट्रेन के परिचालन 21 अक्टूबर ले 27 नवंबर तक करे जाही। गाड़ी संख्या 02815 दुर्ग-जम्मूतवी साप्ताहिक पूजा स्पेशल ट्रेन दुर्ग ले प्रत्येक बुधवार के 21 अक्टूबर ले 25 नवंबर तक चलही । इही प्रकार गाड़ी संख्या 02816 जम्मूतवी-दुर्ग साप्ताहिक पूजा स्पेशल ट्रेन जम्मूतवी ले प्रत्येक शुक्रवार के 23 अक्टूबर ले 27 नवंबर तक चलही। ये गाड़ी 3 एसी थ्री, 2 एसी टू , 11 स्लीपर, 2 एसएलआर अउ 3 सामान्य समेत कुल 21 कोच के संग चलही । ये गाड़ी म कंफर्म टिकट यात्री मन ल ही यात्रा करे के अनुमति देहे जाही। ये गाड़ी पूर्व म चलत रही 18215/ 18216 दुर्ग-जम्मूतवी-दुर्ग एक्सप्रेस के ठहराव अउ समय सारणी के अनुसार चलही।
21 अक्टूबर ले दुर्ग-जम्मूतवी के मध्य चलही साप्ताहिक पूजा स्पेशल ट्रेन,सीट कंफर्म होय म ही यात्रा के अनुमति
