दंतेवाड़ा, 28 अक्टूबर 2020। वैश्विक आयोडिन अल्पता विकार नियंत्रण दिवस म 21 ले 27 अक्टूबर तक विकासखण्ड गीदम के गुमड़ा म स्कूल के लइका मन ल मोहल्ला क्लास म आयोडिन युक्त नमक के महत्वत, उपलब्धता अउ दैनिक जीवन म एखर आवश्यकता के प्रचार-प्रसार करे गीन। जेमा आयोडिन के कमी ले घेंघा, मानसिक विकृति, बहरापन, गूंगापन अउ भेंगापन ठीक ढंग ले खडे़े होय अउ चले म कठिनाई अउ शारीरिक विकास म रूकावट अउ गर्भवती के शरीर म आयोडिन की कमी होय ले गर्वपात के खतरा आदि बीमारी के संबंध में जागरू करिन। वैश्विक आयोडिन अल्पता विकार नियंत्रण दिवस के अवसर म स्कूली लइका मन के बीच निबंध प्रतियोगिता के आयोजन घलो करिन। कार्यक्रम के सफल क्रियान्वयन म जिला मिडिया अधिकारी अंकित सिंह, जिला आरएमसीएचए सलाहकार डॉ.गीतू हरित, गीदम बीटीओ आरएन झा, एलएचवी तारा मेश्राम, सुलेश ठाकुर आरएचओ अउ शिक्षक अन्य कर्मचारी मितानिन, आंगनबाड़ी कार्यकर्ता आदि उपस्थित रिहिस।
21 ले 27 अक्टूबर तक दंतेवाड़ा के समस्त स्वास्थ्य केन्द्र म वैश्विक आयोडिन अल्पता विकार नियंत्रण दिवस मनाय गीस
