रायपुर/बिलासपुर, 18 अक्टूबर 2020। दक्षिण पूर्व मध्य रेलवे ले होके 02905 / 02906 ओखा-हावड़-ओखा साप्ताहिक पूजा स्पेशल ट्रेन के परिचालन 25 अक्टूबर ले 1 दिसंबर तक करे जाही। ये गाड़ी 5 एसी थ्री, 1 एसी टू , 9 स्लीपर,2 एसएलआर ,4 सामान्य अउ 1 पेंट्रीकार समेत कुल 22 कोच के संग चलही। ये गाड़ी के ठहराव दक्षिण पूर्व मध्य रेलवे के रायगढ़, चांपा, बिलासपुर, भाटापारा, रायपुर, दुर्ग, राजनांदगांव अउ गोंदिया स्टेशन मन म घलो रही। कंफर्म टिकट यात्री ल ही यात्रा करे के अनुमति देहे जाही। गाड़ी संख्या 02905 ओखा-हावड़ा साप्ताहिक पूजा स्पेशल ट्रेन ओखा ले प्रत्येक इतवार के 25 अक्टूबर ले 29 नवंबर तक चलही। इही प्रकार गाड़ी संख्या 02906 हावड़ा-ओखा साप्ताहिक पूजा स्पेशल ट्रेन हावड़ा ले प्रत्येक मंगलवार के 27 अक्टूबर ले 1 दिसम्बर तक चलही। रेलवे ह ये गाड़ी के विस्तृत समय-सारिणी जारी करे हे।
