फ्रंटलाईन वर्कर काम करत पति-पत्नी ह एक-दूसर ल कोविड टीका लगाके खुद ल करिन सुरक्षित

राजनांदगांव, स्वास्थ्य विभाग के फ्रंट लाईन म काम करत कोरोना संक्रमण ले सुरक्षा बर नागरिक मन ल वैक्सीन लगाए म अपन ताकत झोके हे। नागरिक मन ल जागरूक करत फ्रंट लाईन वर्कर मन ह खुदे टीका लगावत हें। जेखर से खुद सुरक्षित होके सबो ल सुरक्षित कर सकयं। मानपुर विकासखंड के वैक्सीनेशन टीम के पति-पत्नी कर्मचारी एक अच्छा उदाहरण हे। जेमन वैक्सीनेशन के समय अपन कर्तव्य के निर्वहन करत एक-दूसर ल कोविड टीका लगाइन, जेन आन नागरिक मन बर जागरूकता के मिसाल हे। कलेक्टर श्री तारन प्रकाश सिन्हा के निर्देश म कोविड टीकाकरण विशेष महाअभियान म सबो फ्रंट लाईन वर्कर नागरिक मन ल सुरक्षित करे खातिर वैक्सीनेशन के काम करत हें। जेमां फ्रंटलाईन वर्कर अऊ 60 साल ले जादा उम्‍मर वाले नागरिक मन ल बूस्टर डोज लगाए जात हे। उहें दूसर डोज ले छुटे अऊ 15 ले 18 साल उम्‍मर वाले लइका मन के घलोक वैक्सीनेशन करे जात हे।