रायपुर 26 मई 2020। मुख्यमंत्री श्री भूपेश बघेल ह नोवेल कोरोना वायरस (कोविड-19) के संक्रमण के रोकथाम बर प्रदेश के सबो जिला मन ल कुल 24 करोड़ 50 लाख रूपिया के राशि जारी करे हें। ये राशि मुख्यमंत्री सहायता कोष ले संबंधित जिला के खाता म जमा कर देहे गए हे।
मुख्यमंत्री सचिवालय ले मिले जानकारी के मुताबिक रायपुर, बलौदाबाजार, राजनांदगांव, कबीरधाम अऊ बिलासपुर जिला ल 2-2 करोड़ रूपिया, मुंगेली जिला ल 1.50 करोड़ रूपिया, बस्तर, कोरिया, बलरामपुर-रामानुजगंज अऊ सूरजपुर जिला ल 1-1 करोड़ रूपिया, गरियाबंद, धमतरी, महासमुन्द, दुर्ग, बालोद, बेमेतरा, कोण्डगांव, कांकेर, दंतेवाड़ा, सुकमा, नारायणपुर, बीजापुर, कोरबा, जांजगीर-चांपा, रायगढ़, जशपुर, सरगुजा अऊ गौरेला-पेन्ड्रा-मरवाही जिला ल 50-50 लाख रूपिया के राशि आबंटित करे गए हे।
आप मन जानतेच हव के एखर पहिली मुख्यमंत्री सहायता कोष ले प्रदेश के 11 जिला मन ल 20-20 लाख रूपिया कुल 2 करोड़ 20 लाख रूपिया, सबो 28 जिला मन ल 25-25 लाख रूपिया कुल 7 करोड़ अऊ प्रदेश के सबो 146 विकासखण्ड मन ल 10-10 लाख रूपिया कुल 14 करोड़ 60 लाख रूपिया के राशि कोरोना संक्रमण के रोकथाम बर जारी करे गए रहिस।
