स्टॉपडेम ले गढ़बेंगाल मां किसान मन के उपज म होही बढ़वार

CHHATTISGARHI NEWS: नारायणपुर, जिला के गढ़बेंगाल अउ कुम्हली गांव मां जल संसाधन विभाग कोति ले साल 2025-26 मां लगभग 3.91 करोड़ रुपिया के लागत ले गढ़बेंगाल स्टॉपडेम के निर्माण पूरा करे गे हे। ए स्टॉपडेम ले गढ़बेंगाल अउ कुम्हली के लगभग 105 हेक्टेयर किसानी भूमि ल सीधा सिंचाई के सुविधा मिले लगे हे। एखर से किसान अब खरीफ के संग रबी सीजन मां घलो गेहूं, तिलहन अउ साग-भाजी के खेती आसानी ले कर पाहीं।
वर्षा जल के संचयन होए ले क्षेत्र के भू-जल स्तर मां सुघर सुधार आए हे अउ माटी के कटाव ल रोके मां घलो मदद मिले हे। एखर संगेच गांव वाले मन अउ ढोर-डांगर मन बर सालभर निस्तारी पानी के सुविधा उपलब्ध हो गे हे। स्थानीय ग्रामीण मन के सक्रिय जनभागीदारी अउ सहयोग ले ए परियोजना गुणवत्ता के संग समय मां पूरा होइस। ए स्टॉपडेम ह नारायणपुर के वनांचल मां जल संरक्षण, कृषि विकास अउ ग्रामीण अर्थव्यवस्था ल मजबूत बनाए मां बड़े भूमिका निभावत हे।