रायपुर, मुख्यमंत्री शहरी कार्यात्मक साक्षरता कार्यक्रम ‘‘गढ़बो डिजिटल छत्तीसगढ़‘‘ के अन्तर्गत राज्य के 36 ई-साक्षरता केन्द्र मन म 29 अऊ 30 नवम्बर के ऑनलाईन बाह्य मूल्यांकन करे गीस। सरगुजा अऊ बिलासपुर संभाग के जिला मन म 29 नवंबर अऊ रायपुर, दुर्ग अऊ बस्तर संभाग के जिला मन म 30 नवंबर 2019 के ऑनलाईन बाह्य मूल्यांकन करे गीस। छत्तीसगढ़ इन्फोटेक प्रमोशन सोसायटी (Chips) कोति ले आयोजित ऑनलाइन बाह्य मूल्यांकन म प्रदेश के 934 शिक्षार्थी सफल होइन।
हम बता देवन के स्कूल शिक्षा विभाग के प्रमुख सचिव श्री गौरव द्विवेदी के कुशल मार्गदर्शन अऊ राज्य साक्षरता मिशन प्राधिकरण (SLMA) के संचालक अउ सदस्य सचिव श्री एस. प्रकाश के निर्देशन म देश म पहली पइत शहरी क्षेत्र के डिजिटल असाक्षर मन बर गढ़बो डिजिटल छत्तीसगढ़ मुख्यमंत्री शहरी कार्यात्मक साक्षरता कार्यक्रम अंतर्गत छत्तीसगढ़ म 36 केन्द्र चालू करे गए हे।
राज्य साक्षरता मिशन प्राधिकरण के नोडल अधिकारी श्री प्रशांत कुमार पाण्डेय ह ये जानकारी देवत बताइस कि नवाचारी कार्यक्रम गढ़बो डिजिटल छत्तीसगढ़ म 15 ले 60 आयु समूह के डिजिटल असाक्षर मन ल प्रशिक्षित ई-एजुकेटर कोति ले एक महिना म डिजिटल उपकरण मन के उपयोग करना सिखाए जात हे। डिजिटल साक्षरता के अंतर्गत कम्प्यूटर, मोबाइल संग डिजिटल डिवाइस ल चलाना, कम्प्यूटर के पूर्जा के उपयोग, मोबाइल फोन के उपयोग, टेबलेट के जानकारी व उपयोग, इंटरनेट के उपयोग, सर्च इंजन के उपयोग, ई-मेल के परिचय, सोशल मीडिया, फेसबुक, ट्वीटर, व्हाटसअप के उपयोग बताए जात हे। कई ठन सेवा मन के ऑनलाइन भुगतान, ऑनलाइन बुकिंग, रेल, बस टिकिट बुक करना, मोबाइल रिचार्ज, टीवी रिचार्ज, बिजली बिल आदि के भुगतान अऊ कई ठन सेवा मन बर ऑनलाइन फार्म भरना सिखाए जात हे। विसय खांटी जानकार कोति ले कई ठन विषय मन म पॉवर पाइंट प्रेजेन्टेशन के माध्यम ले प्रशिक्षण प्रदान करे जात हे। डिजिटल साक्षरता के अलावा व्यक्तित्व विकास, चुनावी साक्षरता, वित्तीय साक्षरता, विधिक साक्षरता, श्रेष्ठ पालकत्व, आत्मरक्षा, कौशल विकास, नागरिक कर्त्तव्य, जीवन मूल्य आदि के घलोक प्रशिक्षण दे जात हे। डिजिटल साक्षरता के कोर्स के बाद जिला कोति ले अंदर के मूल्यांकन करे जात हे। उमन बताइस कि एक दिसम्बर ले सबो ई-साक्षरता केन्द्र मन म 2 बैच संचालित होही।
