गेड़ी कलाकार धनीराम के पेंशन म दिक्कत, कलेक्टर ह दीस समाधान के हुकुम

कलेक्टर ह आवेदन मन के करिन सुनवाई, पहिली दिन करीबन 60 आवेदन आइस, आवेदन मन के होइस प्रभावी निराकरण
दुर्ग, 80 साल के दुर्ग शहर के निवासी धनीराम साहू के पहिचान गेड़ी के हुनर के सेती हे। ये खातिर वो ल संस्कृति विभाग ले पेंशन मिलथे। संगेच ओ ल वृद्धावस्था के पेंशन घलोक मिलथे। बीते तीन महीना ले कोनो कारण ले वोखर बैंक खाता म पेंशन राशि नइ आ पात रहिस। कलेक्टर ह समाज कल्याण विभाग के अधिकारी ल मौका म ही निर्देशित करके तकनीकी दिक्कत दूर करके राहत देहे के निर्देश दीन। साहू ह बताइस कि हर महत्वपूर्ण कार्यक्रम वो ह अपन गेड़ी के प्रदर्शन करथें। ये कला ले गहरा लगाव होए के सेती ही मोला पेंशन देना तय करे गए रहिस।
दुर्ग कलेक्‍टर मेर धनीराम के जइसनहे कुछ अऊ आवेदन वृद्धावस्था पेंशन ल लेके आए रहिस। कलेक्टर ह समाज कल्याण विभाग के अधिकारी ल ए आवेदन मन के परीक्षण करके तुरंत राहत देहे के निर्देश दीन ताकि इंकर खाता म पेंशन के राशि समय म पहुंच सकय। जानबा हे कि बढ़त कोरोना संक्रमण के सेती कलेक्टर जनदर्शन स्थगित कर दे गए रहिस। स्थिति म सुधार आए म हफ्ता के दू दिन सोमवार अऊ मंगलवार के एला फेर सुरू करे के निर्णय ले गीस। मंगलवार के घलोक जनदर्शन होही।