तहसीलदारिन ल हीरोइन कहिस नेता : आगू का होईस पढ़व ..

दिल्ली, 03 फरवरी 2020। लल्‍लूराम के बताती महाराष्ट्र के जालना जिला म भाजपा के एक बड़का नेता अउ पूर्व मंत्री बबनराव लोणीकर ह सरेआम महिला अधिकारी उपर अइसन टिप्पणी कर दीस तेकर पाछू तहसीलदारिन अउ मनखे मन नेता जी उपर बमक गयं।

जानबा हवय के महाराष्ट्र के जालना जिला म परतुर तहसील के करहला गांव म आयोजित एक कार्यक्रम म नेताजी ह तहसीलदारिन ल हिरोइन कहि दीस। जब मनखे मन विरोध करिन त लोणीकर ह गेजगेजावत कहिस के ‘हीरोइन’ ले वोकर मतलब एक अइसे नेता बर रहिस, जे बड़ सुग्‍घर काम करत हे। वो ह कहिस के मैं ह तहसीलदारिन के कोनो अपमान नइ करे हंव।

ये मामला म जानबा ये आए हे के एक सभा म लोणीकर ह कहिस के हमन किसान मन के मदद बर रैली निकाले के योजना बनाए हवन। हम पूर्व मुख्यमंत्री देवेंद्र फडणवीस, पूर्व मंत्री चंद्रकांत पाटिल अउ सुधीर मुनगंटीवार ल बला सकत हवन। आप मन बतावव काला बलाना चाही। हम एकर बर एक हीरोइन बला सकत हन। कहूं नहीं, त हमार तिर तो हमार हीरोइन तहसीलदार मैडम तो हवयच। वोकर तहसीलदारिन ल हीरोइन कहे म विपक्षी दल हमलावर हो गे अउ लोणीकर ल बिक्‍कट बखानिस।

एहू ल पढ़व ..  जीन्स पैन्‍ट म छोटे खीसा काबर रहिथे??

लउछरहा..