रायपुर, मुख्यमंत्री श्री भूपेश बघेल ह हिन्दी के प्रसिद्ध साहित्यकार श्री गजानन माधव मुक्तिबोध ल 13 नवम्बर के उंखर जयंती म सुरता करत उनला नमन करे हें। मुख्यमंत्री ह कहिन के श्री गजानन माधव मुक्तिबोध ह साहित्य के कई विधा मन म अपन लेखनी के अमिट छाप छोड़े हें। कवि, आलोचक, निबंधकार, कहानीकार अऊ उपन्यासकार के रूप म उमन पाठक मन ल अमूल्य साहित्य दीन। उंखर लेखनी म ऊंखर तेज अऊ प्रखर विचारधारा के जीवंत साक्ष्य मिलथे। ओ मन ल प्रगतिशील कविता अऊ नयी कविता के बीच के एक सेतु घलोक माने जाथे।
श्री बघेल ह कहिन कि हमार बर ए गरब के बात हे कि हिन्दी साहित्य के सशक्त हस्ताक्षर अऊ ये युग के महान कवि गजानन माधव मुक्तिबोध जी के कर्मभूमि छत्तीसगढ़ के संस्कार-धानी राजनांदगांव रहिस। उंखर सुरता मन ल संजोए रखे बर शासन ह राजनांदगांव मं सृजन गोठ अऊ मुक्तिबोध स्मारक संग्रहालय अऊ त्रिवेणी परिसर के जीर्णोद्धार के काम प्राथमिकता के संग करे हे।
मुख्यमंत्री ह श्री गजानन माधव मुक्तिबोध ल उंखर जयंती म करिन सुरता
