सिविल लाइन म सरकारी कर्मचारी के मिलीस लाश, हत्या के आशंका

राजनांदगांव, राजनांदगांव के सिविल लाइन म एक सरकारी क्‍वाटर म एक करमचारी के लाश संदिग्ध अवस्था म बरामद होए हे। पुलिस ह हत्या के आशंका के चलते जांच शुरु कर देहे हे। मृतक के नाम गजेन्द्र शुक्ला बताए जात हे, जेन परिवार समाज कल्याण विभाग म पदस्थ रहिस। पुलिस के मुताबिक मृतक के नाक अऊ आंखी ले खून निकले हे, जेकर कारन मामला संदिग्ध नजर आवत हे। पुलिस ह मौका परीक्षण के बाद ये मामला म एफएसएल के मदद लेहे हे। फॉरेंसिक टीम ह मामला म जांच शुरु कर देहे हे। माने जात हे के तकिया ले कोनो ह ओखर मुंह ल चपक के वोखर हत्या करे हे। मृतक गजेंद्र अपन बेटा नवीन के संग उहां रहत रहिस, जानबा हे के वोखर पत्नी अऊ एक अऊ आन बेटा अलग रहत रहिस। मौका म पहुंचे कोतवाली थाना के टीआई एलेग्जेंडर किरो के कहना हे कि गजेंद्र शुक्ला के मौत संदिग्ध नजर आवत रहिस ते पाए के एफएसएल टीम ल बला के जांच करवाई करे गए हे। जांच रिपोट आए के पाछू आगू के कार्रवाई करे जाही।