मुंगेली.11 मई 2020। अपराध समाचार। जरहगाव थाना क्षेत्र म जुवारी मनके धर पकड़ जारी हे। पुलिस अधीक्षक अउ अतिरिक्त पुलिस अधीक्षक मुंगेली के निर्देश म पुलिस अनुविभागीय अधिकारी (जिविसा) मुंगेली के मार्गदर्शन म जरहगाव थाना द्वारा मुखबिर के सुचना म गाँव कोसमा म पैसा के दाँव लगा के हारजीत खेल, कोनो मनखे मन जुवा खेलत हे करके छापा मारे ल 6 जुवारी पकड़े गिन। कई झन पुलिस देखके भागे लगिन जब हमराह अउ पुलिस स्टाफ मन कूदा के धरिन।
पकड़े गे जुवारी म जग्गू घृतलहरे ददा भोलू राम उमर 23 बरस, शैलेंद्र कुमार साहू ददा गोपाल साहू साकिन कोसमा, राजेश यादव ददा हरिचन्द साकिन भुसन्दी 19 बरस, लोमेश मोहले ददा भुवन 19 बरस साकिन कोना, अजय बर्मन ददा संतोष उमर 22 बरस साकिन भुसंदी, राजेश कुर्रे ददा महाजन उमर 29 बरस साकिन भुसंदी थाना जरहगाव ल गिरफ्तार करे गीस। जुवारी मन ले अलग अलग फड़ ले 1650/- रुपिया, पास ले 1050/- जुमला रकम 2700/-, 52 पत्ति तास अउ बोरी के फट्टी ल जब्त करके पुलिस कब्जा म लेय गिस।
ये कारवाही म उप निरीक्षक जय कुमार राठोर, स.उ.नि. पोखन सिंह ठाकुर, आर आर 196 रमेश वर्मन , आर 182 सूर्यकान्त, आर 185 मनोज टण्डन, आर 87 अजय सिवलहरे, आर 193 सोनू जांगड़े, आर 284 गणेश परस्ते, सै.29 शंकर सिंह के मेन भूमिका रहिस हे।
मुंगेली ले दिलीप बसंत
