बरसों जुन्ना झांकी परम्परा ल नवा पीढ़ी घलो उत्साह से बढ़ात हे, ए ह सबले बढ़िया बात- मुख्यमंत्री श्री बघेल

मुख्यमंत्री श्री भूपेश बघेल जयस्तंभ चौक में  झाँकी समारोह में संघरिस
भगवान गनेश से प्रदेशवासी मन के सुख समृद्धि के कामना करिस
रायपुर, 1 अक्टूबर, 2023
गनेशोत्सव म हर साल राजधानी के मनखे मन भगवान गनेश के सुग्घर झांकी के अगोरा करथे। रायपुर में एकर भव्य परंपरा हे अउ पूरा शहर रात भ जागरन कर भगवान गनेश के झांकी के रूप में सुंदर लीला के अगोरा करत रथे। मुख्यमंत्री श्री भूपेश बघेल ह घलो रायपुर के मनखे मन के संग सुग्घर झांकी देख से भक्ति रस के आनंद लिस अउ गनेश जी के पूजा करिस।
ओ ह समिति के सदस्य मन ल बधई दिस अउ कहिस कि आप लोगन मन ह अबड़ सुंदर झांकी तियार करे हव। एकर से नवा पीढ़ी ल घलो अपन सांस्कृतिक परंपरा के जानकारी मिलही। श्री बघेल ह कहिस कि आप सब्बो समिति कई बरस ले ई परंपरा ल चलात लानत ह जेला आप मन के मोहल्ला बस्ती के जुन्ना मनखे मन सुरू करे रहिस होही। ये बहुत स्वागत योग्य बात हे।