जशपुरनगर, जिला म स्व-सहायता समूह मन के महिला मन गोठान म वर्मी कम्पोस्ट के अलावा देवारी परब ल ध्यान म रखत गोबर ले कई प्रकार के दीया अउ आन समान बनावत हें। विकासखण्ड दुलदुला के कोरना पंचायत के गंगा मईया महिला स्व सहायता अउ कुनकुरी विकासखंड के कनक समूह के महिला मन इको फ्रेंडली कलात्मक अउ आकर्षक गोबर के दीया, कैंडल संग आन सामान बनावत हें। समूह कोति ले बनाए जात सामान के निर्माण ले जिहां जशपुर जिला दीपावली पर्व म जगमगा उठही उहें समूह के महिला मन के घलोक आर्थिक आमदनी म बढ़ोत्तरी होही।
प्रशासन कोति ले सीरलग महिला मन ल रोजगार उपलब्ध कराए के संग ओ मन ल कई प्रकार के कौशल विकास के माध्यम ले उंकर आर्थिक स्थिति म सुधार लाय बर प्रयास करे जात हे। जेखर तहत् गंगा मईया अउ कनक स्व-सहायता समूह के महिला मन ल शासन कोति ले गोबर ले दीया अउ आन सामान बनाए बर प्रोत्साहित करे गए हे। ओ मन ल जरूरी सामान घलोक देहे गए हे ताकि ओ मन ल कोनो प्रकार के दिक्कत झन होवय अऊ ओ मन आसानी ले गोबर ले दीया अउ आन सामान के निर्माण करके उचित मूल्य म बाजार म विक्रय करके अपन आमदनी म बढ़ोत्तरी कर सकयं।
जशपुरनगर : गंगा मईया अउ कनक स्व सहायता समूह के महिला मन गोधन ले इको फ्रेंडली दीया करत हें तियार
