छत्तीसगढ़ सरकार गंवई बेवस्था ल पोठ करे बर करत हे बूता : मुख्यमंत्री दाउ भूपेश बघेल

रइपुर 14 अगस्त 2021 शनिच्चर। प्रदेश के मुख्यमंत्री दाउ भूपेश बघेल ह कहीन कि छत्तीसगढ़ ल पोठ बनाए बर गांव ल पोठ करे बर होही। गंवइहा, किसान अउ संस्कृति ल बने बनाए के संग लोककला अउ संस्कृति बचाना परही। हमर सरकार गंवई बेवस्था ल पोठ करत हे। गांधीवादी अउ गंवई बेवस्था के पोठ प्रतिनिधि स्वर्गीय देवी प्रसाद के प्रति इही सच्ची श्रद्धांजलि हरे।
मुख्यमंत्री दाउ बघेल के घरू कार्यालय म लोक जागरण पत्रिका कोति ले स्वर्गीय देवी प्रसाद चौबे के सुरता म होवइया 21वां वसुंधरा सम्मान समारोह संस्कृति विभाग अउ श्री चतुर्भुज मेमोरियल फाउंडेशन के सहयोग ले होइस । मुख्यमंत्री ह ये बेरा म सुप्रसिद्ध साहित्यकार अउ पत्रकार श्री सतीश जायसवाल ल ‘बड़ई पतरा’ दीन। संस्कृति मंत्री श्री अमरजीत भगत ह साहित्कार श्री सतीश जायसवाल ल वसुंधरा सम्मान बर बधई अउ शुभकामना दीन।
समारोह म स्वर्गीय श्री देवीप्रसाद चौबे के पुत्र श्री प्रदीप चौबे अउ कृषि अउ जलसंसाधन मंत्री श्री रविंद्र चौबे, महिला आयोग के अध्यक्ष डॉ. किरणमयी नायक, छत्तीसगढ़ योग आयोग के अध्यक्ष श्री ज्ञानेश शर्मा, छत्तीसगढ़ राज्य कृषक कल्याण बोर्ड के अध्यक्ष श्री सुरेन्द्र शर्मा, छत्तीसगढ़ राज्य अंत्यावसायी सहकारी वित्त निगम के उपाध्यक्ष श्रीमती नीता लोधी, छत्तीसगढ़ राज्य बुनकर सहकारी संघ के अध्यक्ष श्री मोतीलाल देवांगन, वसुंधरा सम्मान के संयोजक श्री विनोद मिश्र, आयोजन समिति के अध्यक्ष श्री अरुण श्रीवास्तव, सचिव श्री मुमताज तको संघरीन। कार्यक्रम के संचालन प्रोफेसर श्री डी.एन.शर्मा करीन।
बछर 2001 ले सरलग वसुंधरा सम्मान अब तक सर्वश्री रमेश नैयर, कुमार साहू, श्यामलाल चतुर्वेदी, बसंत कुमार तिवारी, बबन प्रसाद मिश्र, दिवाकर मुक्तिबोध, आशा शुक्ला, शरद कोठारी, गिरिजा शंकर, हिमांशु द्विवेदी, विनोद शंकर शुक्ल, ज्ञान अवस्थी, श्याम वेताल, अभय किशोर, गिरीश पंकज, सुशील त्रिवेदी, बी. के. एस. रे, प्रकाश दुबे, तुषार कांति बोस, ई. वी. मुरली ल दे डारे हवय। बड़ई पतरा, शाल अउ श्रीफल भेंट करके 21 वां वसुंधरा सम्मान ले सम्मानित करीन। अन मन समारोह म लोकजागरण के मासिक पत्रिका ‘वसुंधरा’ के 58 वां अउ कला, साहित्य, संस्कृति के मासिक पत्रिका ‘बहुमत’ के 109वेां अंक के लोकार्पण करीन।