गँवई जिनिस मन बेचाही अब हाट बाजार, सी-मार्ट, बिलासा, शबरी इम्पोरियम, संजीवनी केन्द्र म -मुख्यमंत्री दाऊ भूपेश बघेल
गँवई औद्योगिक पार्क के उत्पाद मन ल बने बाजार देवाए बर गुणवत्ता, कीमत अउ मार्केटिंग म दे जाही धियान
ब्रांडिंग अउ बेंचे बर अमेजान, फ्लिपकार्ड जइसन सोशल मीडिया प्लेटफॉर्म के होही उपयोग
हाट बाजार, सी-मार्ट, बिलासा, शबरी इम्पोरियम, संजीवनी केन्द्र, थोक विक्रेता मन कोति ले होही गँवई औद्योगिक पार्क के उत्पाद मन के बिक्री
गौठान मन म वर्मी कम्पोस्ट छाने के मशीन उपलब्ध कराए के हुकुम
रइपुर 15 जुलाई 2022
मुख्यमंत्री दाऊ भूपेश बघेल ह कहीन कि प्रदेश के गौठान मन के गँवई औद्योगिक पार्क म तियार होवइया उत्पाद मन ल बने बजार देवाए बर उत्पाद मन के गुणवत्ता, उचित कीमत अउ मार्केटिंग उपर विशेष रूप ले धियान देहे के आवश्यकता हावय, ताकि उत्पाद मन के बिक्री बाढ़य अउ येकर जादा ले जादा फायदा स्व-सहायता समूह मन ल मिलय। मुख्यमंत्री ह आज इहाँ अपन घरू कार्यालय म होवइया बइठका म हुकुम दीन। वोमन बइठका म गौठान मन ल महात्मा गांधी ग्रामीण औद्योगिक पार्क म विकसित करे बर होवत बूता, गोधन न्याय योजना, सी-मार्ट अउ मुख्यमंत्री रेशम मिशन के बूता मन के समीक्षा करीन।
मुख्यमंत्री दाऊ बघेल ह बइठका म कहीन कि गांव के जरूरत के अनुसार उत्पाद तियार करे अउ जेन जिनिस मन के खपत स्थानीय स्तर म हो सकथे, उन्कर उत्पादन प्राथमिकता के आधार म करे के हुकुम दीस। मुख्यमंत्री ह गौठान मन म तियार उत्पाद मन के ब्रांडिंग अउ उन्कर बेचे बर अमेजान, फ्लिपकार्ड जइसे सोशल मीडिया प्लेटफॉर्म के उपयोग करे के तको हुकुम दीन। उन कहीन कि गौठान म आनी-बानी के आयमूलक गतिविधि मन म जुड़े लोगन मन ल आवश्यकतानुसार प्रशिक्षण के तको बेवस्था करे जाय।
बइठका म जानकारी दे गीस कि गौठान मन म 12 हजार 176 ठिन स्व-सहायता समूह बूता करत हावयं, जेमें 83 हजार 874 झिन माइलोगन सदस्य हावयं। ये समूह मन ल आनी बानी के गतिविधि ले 65 करोड़ 18 लाख रूपिया के आय मिल गेहे। स्व-सहायता समूह वर्मी कम्पोस्ट उत्पादन, सामुदायिक बाड़ी, मशरूम उत्पाद, मुर्गी पालन, मछली पालन, बकरी पालन के संगे-संग गोबर ले दीया, गमला, अगरबत्ती बनावत हावयं। येकरे संगे-संग सेनेटरी पेड, बैग निर्माण, फेंसिंग पोल, एलईडी बल्ब, पेपर ब्लाक निर्माण जइसन गतिविधि मन तको गौठान मन म संचालित करे जावत हे। अभीन गौठान मन म 79 ठिन तेल मिल, 177 ठिन दाल मिल, 364 ठिन आटा मिल, 939 ठिन मिनी राईस मिल स्थापित करे हवयं। जिला के हरेक विकासखण्ड म कम से कम दू-दू ठिन गौठान मन ल गँवई औद्योगिक पार्क विकसित करे बर चुने गे हे। गँवई औद्योगिक पार्क के तहत गौठान मन म स्व-सहायता समूह मन संग बेरोजगार युवा, इच्छुक पुरूष- महिला अउ तृतीय लिंग के उद्यमी आनी-बानी के गतिविधि संचालित करे बर पात्र हे।
गँवई औद्योगिक पार्क म उत्पादित जिनिस मन के बिक्री स्थानीय हाट बाजार, सी-मार्ट, शबरी इम्पोरियम, संजीवनी केन्द्र, थोक विक्रेता, प्राईवेट कम्पनी अउ शासकीय कार्यालय मन ले करे जावत हे।
सबो गौठान मन म वर्मी कम्पोस्ट छाने बर मषीन देहे के हुकुम करीन। दाऊजी कहीन कि किसान वर्मी कम्पोस्ट के उपयोग करत हे, अवइया बेरा म येकर मांग बाढ़ही येकर बर वर्मी कम्पोस्ट के अधिक से अधिक उत्पादन करे जाना चाहीं।
कृषि मंत्री श्री रविन्द्र चौबे ने कहा कि गौठानों में लगभग 19 लाख क्विंटल वर्मी
नानगूर म ककून बैंक के स्थापना
मुख्यमंत्री बताइन कि बस्तर म नैसर्गिक ककून के संग्रहण अउ धागा बनाए बर बस्तर जिला के नानगूर म वन विभाग कोति ले ककून बैंक के स्थापना करे गे हवय। 740 झिन हितग्राही मन ल धागा बनाए के प्रशिक्षण दे गे हवय उन ल धागाकरण मशीन दे जाही।
रायपुर के छत्तीसगढ़ पंडरी हाट म 10 जून 2022 ले चालू होए बिलासा हैण्डलूम के प्रीमियम प्रोडक्ट के एम्पोरियम म 11 जुलाई तक 4 लाख 90 हजार रूपिया के कपड़ा बेचे गे हवय। ये प्रीमियम शॉप म छत्तीसगढ़ के बुनकर मन कोति ले तियार टसर सिल्क अउ कॉटन साड़ी, स्टोल, ड्रेस मटेरियल, फर्नीशिंग अउ रेडिमेड के हैण्डलूम कपड़ा मन के डिस्प्ले अउ विक्री करे जावत हे।
युवा मन ल रोजगार उपलब्ध कराये के उद्देश्य ले छत्तीसगढ़ म हायर सेकेण्डरी कोर्स संग 11 ठिन ट्रेड मन म आईटीआई सर्टिफिकेट कोर्स म 3101 झिन विद्यार्थी अध्ययनरत हें। मुख्यमंत्री दाऊ भूपेश बघेल के पहल म 111 विकासखण्ड म 114 आईटीआई म ये कोर्स संचालित हवयं जेमा विद्यार्थी 12वीं के संगे-संग आईटीआई के पढ़ाई तको करत हे। ये विद्यार्थी मन ल कोर्स पूरा होए म 12वीं बोर्ड परीक्षा के सर्टिफिकेट के संग आईटीआई के सर्टिफिकेट तको दे जाही।
