क्वारेंटाईन के संग बागवानी

बालोद, 03 जून 2020। कोरोना ले सुरक्षा बर क्वारंटाईन सेंटर म रूके प्रवासी श्रमिक सोशल डिस्टेंसिंग के संग बागवानी अउ साफ-सफाई के काम करत हें। एखर से ऊंखर समय के सदुपयोग होए के संगें-संग भवन परिसर ह हरा-भरा अऊ साफ-सुथरा हो वत हे। बालोद जिला के गुण्डरदेही विकासखण्ड के ग्राम कोटगॉव के हायर सेकेण्डरी स्कूल भवन म बनाय गे क्वारंटाईन सेंटर म रूके प्रवासी श्रमिक मन ह नियमित रूप ले साफ-सफाई अऊ पौधा मन ल सिंचित करके स्कूल परिसर ल हरभरा करे हें। प्रवासी श्रमिक सोशल डिस्टेंसिंग के पालन करत स्कूल के साफ-सफाई, बागवानी के पौधा ल सिंचित करके व्यवस्थित करे, गमला मन ल सजाए, खरपतवार के निंदाई करके स्कूल परिसर ल हरा-भरा कर देहे हें। गॉव के लइका जब स्कूल म पढ़े जाही तब ओ मन ल एक स्वस्थ वातावरण मिलही। लइका पर्यावरण के प्रति जागरूक हो सकही। प्रवासी श्रमिक मन ह जब स्कूल परिसर म वृक्षारोपण के इच्छा जाहिर करिन तब ग्राम पंचायत कोति ले ओ मन ल पौधा उपलब्‍ध कराए गीस।