राम वन गमन पथ के रूप म विकसित होही गढ़िया पहाड़

जनप्रतिनिधि मन अउ अधिकारी मन के संग मुख्य सचिव श्री मण्डल ह करिस गढ़िया पहाड़ के अवलोकन

उत्तर बस्तर कांकेर, 19 मार्च 2020। प्रदेश के मुख्य सचिव श्री आर.पी. मण्डल ह स्थानीय जनप्रतिनिधि अउ राज्य के आला अधिकारी मन के संग आज बिरसपत के दिन गढ़िया पहाड़ कांकेर के अवलोकन करिन। गढ़िया पहाड़ के कई व्यू-पाईट के अवलोकन करत उमन पहाड़ म स्थित सोनई-रूपई तालाब के सौंदर्यीकरण संग पाथ-वे बनाए अउ कई ठन जगा मन म अधोसंरचना निर्माण बर अधिकारी मन ल निर्देशित करिन। श्री मण्डल ह गढ़िया पहाड़ के मंदिर स्थल, सिंह द्वार, होलिका दहन स्थल, फांसी भाटा स्थल आदि के निरीक्षण घलोक करिन अउ शिव मंदिर अउ कांकेश्वरी मंदिर म पूजा अर्चना करिन। जांच के समय अधिकारी मन ह जानकारी देवत कहिन कि गढ़िया पहाड़ ल राम वन गमन पथ अउ ई-को टूरिज्म के रूप म विकसित करे जाही।

ये बेरा म विधायक श्री शिशुपाल शोरी अउ मुख्यमंत्री के संसदीय सलाहकार श्री राजेश तिवारी, मुख्य वन संरक्षक श्री राकेश चतुर्वेदी अउ डॉ. सजय शुक्ला, संस्कृति विभाग के सचिव श्री सिद्धार्थ कोमल परदेशी, पर्यटन सचिव श्री अन्बलगन पी. आयुक्त बस्तर संभाग श्री अमृत कुमार खलखो, मुख्य वन संरक्षक जे.आर. नायक, कलेक्टर श्री के.एल. चौहान पुलिस अधीक्षक श्री भोजराम पटेल, जिला पंचायत के मुख्य कार्यपालन अधिकारी डॉ. संजय कन्नौजे, वनमण्डाधिकारी कांकेर अरविंद पी.एम. संग आन अधिकारीगण उपस्थित रहिन।

Garia Pahad will develop as Ram gaman path, Sonai-Rupai Talab, Garhia Pahar Temple Site, Singh Gate, Holika Dahan Sthal, Hanging Bhata Sthal, Shiva Temple, Kankeshwari Temple