गरियाबंद : जन-चौपाल म मनखे मन के समस्या मन के निराकरण होवत हे तुरते

गरियाबंद, संघरा जिला कार्यालय म हरेक मंगलवार के जनचौपाल के आयेाजन करे जात हे। कलेक्टर श्री प्रभात मलिक के निर्देश म जन-चौपाल म मनखे मन के समस्या मन म सम्बंधित अधिकारी मन जल्दी सुनवाई करत हें। ग्राम कोपरा ले आए श्रीमति अनुसुईया मारकंडे ह आयोजित जन-चौपाल म अपन समस्या के जल्दी निराकरण कराए म सफलता हासिल करे हे। वो ह जन चौपाल म राशन कार्ड निरस्त होए के संबंध म अपन समस्या बताईस। कलेक्टर श्री मलिक के निर्देश म जिला खाद्य अधिकारी ह जरूरी जानकारी लेके वोखर समस्या के तुरंते निराकरण करिस, संगेच मौका म राशन कार्ड म सुधार करके अनुसुईया ल देहे गीस। समस्या के जल्दी निराकरण होए म आवेदिका श्रीमति अनुसुईया ह ख़ुशी ज़ाहिर करत शासन-प्रशासन ल धन्यवाद कहे हे।