गरियाबंद, 13 फरवरी 2024। प्रधानमंत्री श्री नरेन्द्र मोदी ह प्रधानमंत्री जनजाति आदिवासी न्याय महाभियान योजना के शुभारंभ 15 जनवरी 2024 ले करिन। जेखर उद्देश्य विशेष पिछड़ी जनजाति परिवार ल केन्द्र के कई ठन योजना मन ले लाभान्वित करना हे। कलेक्टर श्री दीपक कुमार अग्रवाल के निर्देश म जिला म जनजाति न्याय महाभियान के तहत जिला के विशेष पिछड़ी जनजाति (पीवीटीजीएस) क्षेत्र मन म सरलग शिविर लगाके विशेष पिछड़ी जनजाति परिवार ल कई ठन योजना मन ले लाभान्वित करे जात हे। मुख्य चिकित्सा अउ स्वास्थ्य अधिकारी ह बताइस कि गरियाबंद विकासखंड के कई जगा पीवीटीजीएस समुदाय मन बर सरलग स्वास्थ्य सुविधा स्वास्थ्य जांच अउ सरलग उपचार अऊ आयुष्मान कार्ड बनाए बर सलाह, सिकलिंग जांच, टी.बी. जांच, एनीमिया, मलेरिया अउ एनसीडी के काम करे जात हे। ए कार्यक्रम के तहत आज 12 फरवरी ल ग्राम आमामौरा, मरदाकला अउ भारागांव म कुल 859 गांव वाले मन के स्वास्थ्य जांच कर उपचार करे गीस। एखर से पीवीजीटीएस समुदाय के मनखे मन ह प्रसन्नता जाहिर करे हें।
गरियाबंद: प्रधानमंत्री जनजाति आदिवासी न्याय महाभियान योजना के तहत 859 गांव वाले मन के करे गीस जांच अउ उपचार
