समूह के 501 महिला मन उत्पादित धागा ले 1 करोड़ 95 लाख 40 हजार रुपिया के लाभ अर्जित करिस
रायपुर, 31 जुलाई 2023
स्व-सहायता समूह के महिला मन अब कोसा ले धागा निकाले के कला सीख के अपन जीवन के ताना-बाना बुनत हे। ए कड़ी म जशपुर जिला के कुनकुरी, फरसाबहार, पत्थलगांव अउ कांसाबेल विकासखण्ड म 07 महिला स्व-सहायता समूह गठन करे गय हे। महिला समूह के द्वारा टसर धागाकरण के बुता कर धागा उत्पादन करत हे। उत्पादित धागा ल समूह के मन बेच के 1 करोड़ 95 लाख 40 हजार 383 रूपिया के लाभ अर्जित करे हे। स्व-सहायता समूह के महिला मन अपन आमदनी के बाढ़े ले जीवन स्तर म सुधार करे हे। पहिली म आय के स्रोत के रूप म सिरिफ खेती, घर के बाड़ी अउ वन उत्पाद ले जीविकोपार्जन करत रहिस।
स्व-सहायता समूह के महिला मन ह शासकीय कोसा बीज केन्द्र कुनकुरी म चलत टसर धागाकरण योजनान्तर्गत संचालित टसर मशीन ल देखे ब आईस अउ धागाकरण काम ल देख के स्व-प्रेरित होके स्वयं घलो ए काम ल करे के इच्छा प्रकट करिस। विभाग डहर ले ए महिला ल समूह बना के टसर धागाकरण प्रशिक्षण दिए गय हे । प्रशिक्षण के बाद स्व-सहायता समूह के महिला मन कोसा ले धागा निकाले के कला ल निखारत हुए सरलग ए बुता ल करत हे। वर्ष-2022-23 म टसर धागाकरण 7 समूह के 501 महिला मन ह 33,55,279 किलोग्राम रिलींग धागा, 2315.273 किलोग्राम घींचा धागा अउ वेस्ट सामग्री ले 547.148 किलोग्राम धागा के उत्पादन करे गय हे। उपरोक्त टसर धागारकण काम म महिला मन ल स्व-रोजगार ले जोडे़ ब डीएमएफ अउ आईटीडीपी अउ विभागीय योजना ले महिला मन ल मशीन प्रदाय करे गइस। समूह के महिला मन ल प्रशिक्षण ब राशि जिला प्रशासन के द्वारा उपलब्ध कराय गइस हे, जेकर से 501 महिला मन टसर धागाकरण के बुता कर स्वावंलम्बी हो गए हे।
