गरियाबंद, 14 फरवरी 2024। जिला म शासन के महतारी वंदन योजना अंतर्गत फार्म भरे बर महिला मन बड़ संख्या म उछाह के संग आंगनबाड़ी केन्द्र अउ वार्ड कार्यालय म पहुंचत हें। ग्रामीण अउ शहरी क्षेत्र मन म ए योजना के प्रति महिला मन म उछाह अउ हर्ष व्याप्त हे। मुख्यमंत्री श्री विष्णु देव साय के संवेदनशील पहल ले बजट म घलोक एखर बर प्रावधान कर ले गए हे। महतारी वंदन योजना महिला मन के वित्तीय आत्मनिर्भरता के दिशा म महत्वपूर्ण अऊ कारगर कदम साबित होही। एखर से महिला मन के आत्मविश्वास बाढ़ही। जेखर से महिला मन खुद अउ परिवार के विकास म सरलग सकारात्मक भागीदारी निभाहीं। शासन कोति ले हर महीना एक हजार रुपीया मिले ले प्रदेश म महिला मन के आर्थिक स्वावलम्बन म बढ़ोत्तरी होही। संगेच ऊंखर स्वास्थ्य अउ पोषण स्तर म घलोक लगातार सुधार होही। कुटुंब म महिला मन के निर्णायक भूमिका सुदृढ़ होही।
कलेक्टर श्री दीपक अग्रवाल के मार्गदर्शन म जिला म महतारी वंदन योजना के फार्म भरवाए बर सरलग काम करे जात हे। जिला म महिला मन से ए योजना के लाभ लेहे बर अब तक कुल 01 लाख 30 हजार ले जादा आवेदन जमा करे गए हे। जिला म बड़ संख्या म फार्म उपलब्ध हे। पात्र हितग्राही मन ल शासन के ए महती योजना ले लाभ मिलय एखर बर लगातार फार्म भरवाए जात हे। एखर संगेच ए योजना के संबंध म महिला मन ल दिक़्क़त झन होवय ते पाए के ओ मन ल मार्गदर्शन देवत जरूरी कागद मन के संबंध म जानकारी देहे जात हे। राजिम निवासी श्रीमती बिंदु सोनकर अऊ पूनम सोनकर ह महतारी वंदन योजना म खुशी जतात कहिन कि ए योजना ले आर्थिक स्वावलंबन ल बढ़ावा मिलही संगे महिला मन आर्थिक आत्मनिर्भरता कोति अग्रसर होही। अइसनहे श्रीमती राधा देवांगन ह बताइस कि आज में फार्म भरे आए हंव। ये योजना बहुत अच्छा हे। ए योजना ले मिलइया पइसा अपन अलावा कुटुंब के विकास म घलोक सहायक होही। संगेच ए राशि ले अपन देखरेख, स्वास्थ्य अउ लइका मन के शिक्षा म घलोक मददगार होही। महिला मन ह ए योजना बर प्रधानमंत्री श्री नरेंद्र मोदी अऊ मुख्यमंत्री श्री विष्णु देव साय के प्रति आभार व्यक्त करे हें।
गरियाबंद : महतारी वंदन योजना ले आर्थिक स्वावलंबन ल मिलही बढ़ावा
