जनता के समस्या मन के समय म होवय समाधान: मंत्री श्री अमरजीत भगत

गरियाबंद, 08 जुलाई 2021। खाद्य अऊ संस्कृति मंत्री अऊ गरियाबंद जिला के प्रभारी मंत्री श्री अमरजीत भगत ह बुधवार के जिला कलेक्ट्रेट सभाकक्ष म शासन के योजना मन ले संबंधित का मन के विस्तृत समीक्षा करिन। मंत्री श्री भगत ह कहिन कि मुख्यमंत्री श्री भूपेश बघेल के मंशानुरूप विभागीय योजना मन के लाभ आम नागरिक मन तक पहुंचावव। उमन प्राथमिकता के तौर म जनता के समस्या मन के समाधान समय म पूरा करे के निर्देश अधिकारी मन ल दीन। श्री भगत ह कहिन कि शासन के योजना मन ले आम मनखे मन ल लाभान्वित करे बर जनप्रतिनिधि मन के घलोक सहयोग लेहे जाय। गरियाबंद जिला प्राकृतिक सौंदर्य अऊ वन ले आच्छादित हे। इहां विकास के अपार संभावना हे। भूतेश्वरनाथ स्थल ल पर्यटन स्थल के रूप म विकसित करे बर कार्ययोजना बनाए के घलोक उमन निर्देश दीन। बैठक म राजिम विधायक श्री अमितेश शुक्ल, जिला पंचायत अध्यक्ष श्रीमती स्मृति ठाकुर, उपाध्यक्ष श्री संजय नेताम, कलेक्टर श्री निलेशकुमार क्षीरसागर, पुलिस अधीक्षक पारूल माथुर संग जिला अधिकारी अउर जनप्रतिनिधि सामिल रहिन।
खाद्य विभाग के समीक्षा म श्री भगत ह कहिन कि सबो पहुंचविहिन केन्द्र मन म खाद्यान्न के भण्डारण सुनिश्चित होवय। उमन किसान न्याय योजना के संबंध म घलोक जानकारी लीन। एखर तहत किसान मन ल अरहर, मूंग, उड़द, केला, कोदो, कुटकी, रागी जइसन फसल ल बढ़ावा देहे बर जोर दीन। मंत्री श्री भगत ह गोधन न्याय योजना अंतर्गत जुड़े महिला समूह मन के भुगतान समय म करे के निर्देश तको दीन। उमन गौठान मन ल मल्टी एक्टिविटी सेंटर के रूप म विकसित करे के निर्देश दीन।
मंत्री श्री भगत ह जिला म स्वास्थ्य संबंधी जानकारी घलोक अधिकारी मन ले प्राप्त करिन। उमन कोविड के संभावित तीसर लहर ले निपटे बर अभी ले तैयारी करे अऊ सतर्कता बरते के निर्देश दीन। उमन कहिन कि जिला के सबो सामुदायिक अऊ प्राथिमिक स्वास्थ्य केन्द्र मन म भरपूर दवई अऊ आन चिकित्सा संसाधन उपलब्ध करे अऊ मितानिन मन तीर दवाई उपलब्धता सुनिश्चित करे ल कहिन। उमन सुपेबेड़ा म उप स्वास्थ्य केन्द्र के निर्माण संग इहां कीडनी ले पीड़ित मरीज मन के जानकारी लीन अऊ सरलग ईलाज के निर्देश दीन। लोक स्वास्थ्य यांत्रिकी विभाग ल घलोक शुद्ध पेयजल के व्यवस्था बर जरूरी तैयारी करे ल कहिन। क्रेडा विभाग ल दुर्गम अऊ वनांचल क्षेत्र मन म हाईमास्क लाईट लगाय अऊ पहिली ले स्थापित सोलर लाईट मन के रख-रखाव के निर्देश दीन। विद्युत विभाग ल लो-वोल्टेज के समस्या ले निजात देवाए अऊ विद्युत सब स्टेशन के काम ल तीव्र गति ले पूर्ण करे के निर्देश देहे हें। प्रभारी मंत्री श्री भगत ह राजस्व प्रकरण मन म जइसे सीमांकन, बटवारा, नामांतरण आदि प्रकरण मन म लोक सेवा गारण्टी अधिनियम के तहत शीघ्र निराकरण के निर्देश देहे हें।