घर पहुंच के दिए गईस मोटराइज्ड ट्राईसिकल
जिला प्रशासन के सहयता ले दिव्यांग तोमेश्वरी के मुख म अइस मुस्कान
गरियाबंद, नेहा राठौर के खबर/ छुरा ब्लॉक अंर्तगत गाँव जरगांव के रहे वाली दिव्यांग बालिका तोमेश्वरी ल आए जाए म अब कोनो परेसानी नई होवय। तोमेश्वरी ल एती ओती आए जाए ब घर पहुंचा के मोटराइज्ड ट्राईसिकल दिए गईस। बिसेस पिछडे़ जनजाति के 16 बछर के दिव्यांग तोमेश्वरी कमार ल समाज कल्याण विभाग कोती ले ओखर निवास घर म मोटराइज्ड ट्राईसिकल ल अमरा दिए गईस हे। संग म हेलमेट घलो दिए गईस हे। जिला प्रशासन कोती ले घर पहुंचके मोटराइज्ड ट्राईसिकल दिए जाए ले तोमेश्वरी के मुख म मु आ गईस । ओ ह प्रशासन ल अभार व्यक्त करिस। बताए लईक बात हे कि तोमेश्वरी ल ट्राई सिकल नई मिले संबंधी सेकायत मिले रहिस हे। जिला प्रशासन ह ओ सिकायत म तुरते तुरूत संज्ञान लिहिस अउ दिव्यांग तोमेश्वरी प मोटराइज्ड ट्राईसिकल दिए के व्यवस्था करिस। इही काम ल पूरा करे ब जनपद पंचायत सीईओ एम.एल. वर्मा अउ पंचायत एवं समाज शिक्षा संगठन कयाराम यदु ह तोमेश्वरी के घर पहुंच के ट्राईसिकल ले लाभान्वित किरिस।
अधिकारि मन ह तोमेश्वरी प मोटराइज्ड ट्राईसिकल दिए के संग ओला कइसे चलाना हे तेहु ल बताइस। शासन कोती ले दिव्यांग मन के समस्या के घलो तुरूत निराकरण करे के प्रयास करे जाथ हे। छत्तीसगढ़ सरकार कोती ले दिव्यांग मन के जीवन सुगम अउ सुलभ बनाए ब कई प्रकार के सुबिधा दिए जाथ हे।
