गरियाबंद, जिला के दुरस्थ, दुर्गम अऊ पहुंचविहिन क्षेत्र मन म स्वास्थ्य सुविधा के पहुंच सुनिश्चित करे मुख्यमंत्री हाट बाजार क्लीनिक योजना के शुरूआत 02 अक्टुबर 2019 के मुख्यमंत्री श्री भूपेश बघेल ह शुभारंभ करे रहिन। आज ये योजना ले जिला के ग्रामीण आदिवासी अऊ दुरस्थ क्षेत्र के 45 हजार ले जादा मनखे मन के स्वास्थ्य परीक्षण करे गए हे। जरूरत मुताबिक 39 हजार 122 हितग्राही मन ल दवई बांटे गए हे। गांव म ही स्वास्थ्य सुविधा उपलब्ध कराए अऊ दवई बांटे बर जिला के 92 हाट बाजार मन के चिन्हांरी करे गए हे। ए शिविर मन म मलेरिया, टी.व्ही, एनिमिया, कुष्ठ, रक्तचाप, मधुमेह, गर्भवती महिला मन के जांच, शिशु मन के टीकाकरण जइसे काम घलोक करे जात हे।
स्वास्थ्य विभाग के सीएमएचओ डॉ. एनआर नवरत्न ह बताइस के अभी हाल म जिला म कोविड-19 के प्रभाव म कमी आतेच ग्रामीण इलाका मन म स्वास्थ्य सुविधाए बर छुरा विकासखण्ड म नागझर, फुलझर, गाड़ाघाट, चुरकीदादर बीजापाल, गरियाबंद विकासखण्ड म पोटिया, मैनपुर विकासखण्ड म भुतबेड़ा जुगाड, कोकड़ी, गरीबा, चिखली मुंगझर म मुख्यमंत्री हाट बाजार क्लीनिक के संचालन करे जात हे। ये महिना दिसम्बर 2020 म कुल 11 संचालित हाट बाजार म 180 पुरूष, अऊ 97 महिला मन कुल 277 हितग्राही मन के जॉच करके 246 ल दवई बांट के स्वास्थ्य लाभ देहे गए हे।
