गरियाबंद, 18 दिसम्बर 2020। मासूम योगिता बघेल गरीब परिवार म जनमे हे। मैनपुर विकासखण्ड अंतर्गत ग्राम काण्डेकेला म योगिता के जनम 11 अगस्त 2019 के होइस। जनम के समय वो 03 किलो के रहिस, ये नोनी सामान्य श्रेणी म रहिस। जनम के कुछ दिन बाद वो काला क्षीर नाम के बीमारी ले ग्रसित हो गीस जेखर चलते नोनी कमजोर हो गीस अऊ ओखर वजन सरलग गिरत चले गीस। अइसन म मुख्यमंत्री सुपोषण अभियान ले नोनी ल नवा जिंदगी मिलीस। अभियान अंतर्गत माता अऊ बच्ची ल एक संग पौष्टिक आहार दे गीस, जेखर से बच्ची के स्वास्थ्य म सुधार आइस अऊ अब वो खिलखिलावत हे।
जब महिला बाल विकास के पर्यवेक्षक ल ये बात पता चलिस त वो आंगनबाड़ी कार्यकर्ता के संग गृह भ्रमण म गीस। कार्यकर्ता अऊ पर्यवेक्षक दूनो ह मिलके बालिका के मां ल समझाईश दीन के लइका उपर जादा ध्यान देहे के जरूरत हे। प्रचलन अऊ परम्परा के सेती लइका के माता पिता काला क्षीर नाम के बीमारी के इलाज रूढ़ीवादी तरीका ले करवात रहिन। समझाईश देहे के बाद लइका के मां अऊ वोखर परिवार ल बने अऊ पौष्टिक खाना खाए के सलाह देहे गीस। खासकर वोखर मां ल पौष्टिक आहार के जरूरत रहिस। ओला बताइए गीस के लइका ल सरलग स्तनपान करात रहय अऊ पोषण पुनर्वास केन्द्र भेजे के समझाईश के बाद लइका के माता पिता ल बताए गए बात मन ल सुनिन । बालिका अऊ ओखर मां 15 अकटूबर 2019 के पोषण पुर्नवास केन्द्र म 15 दिन तक रहि के घर वापस आईस। नोनी के वजन तो बढ़ गीस तभो ले वो बहुत कमजोर रहिस। फरवरी 2020 म बच्ची के अन्नप्राशन करे गीस।
सुरू म मुख्यमंत्री सुपोषण अभियान अंतर्गत लइका के मां ल पौष्टिक बिस्किट अऊ चिक्की देहे जात रहिस अब वो बच्ची ल देहे गीस। नोनी ल मशल करके भोजन कराए समय ओखर भोजन म घी घलोक दे गीस। इही बीच जिला अऊ ब्लाक समन्वयक श्री प्रदीप कुमार सेन अऊ इन्द्रकुमार साहू नोनी ल देखे आइस अऊ वोखर माता पिता ल खान पान के बारे म विस्तार ले बताइन। जिला समन्वयक ह लइका ल खवाए बर एक महीना बर अपन खर्च म अण्डा खरीद करके दीन। आंगनबाड़ी कार्यकर्ता मन नियमित मानिटर्रिंग करे गीस। कार्यकर्ता अऊ पर्यवेक्षक मन लइका के घर म सरलग गृहभेंट करिन अऊ नियमित वजन निगरानी करे गीस। महिना अगस्त 2020 म नोनी के वजन 7.500 ग्राम हो गए रहिस। श्रेणी निर्धारण म पता चलिस के नोनी अब सामान्य श्रेणी म आ गए हे। मुख्यमंत्री सुपोषण अभियान ले न केवल नोनी के वजन बाढि़स भलुक ओखर स्वास्थ्य तको अच्छा हो गीस।
मुख्यमंत्री सुपोषण अभियान ले योगिता आईस सामान्य श्रेणी म : लईका अऊ माता ल देहे गीस एक संग पौष्टिक आहार
