गरियाबंद : पोषण बाड़ी योजना बनिस भगवन्तीन बाई के आमदनी के जरिया

गरियाबंद 31 जुलाई 2023
गरियाबंद जिला म राज्य सरकार के महत्वाकांक्षी योजना नरवा, गरवा, घुरूवा, बाड़ी पुष्पित अउ पल्लवित होए लगे हे। ग्रामीण महिला मन शासन के पोषण बाड़ी योजना अंतर्गत अपन बाड़ी म साग सब्जि के पैदावार लेके घर के आमदनी बढ़ाए म सफल होवत हे। इ महिला मन म से ग्राम देवरी के श्रीमती भगवन्तीन बाई घलो हे। जे ह अपन बाड़ी म साग सब्जी जगा के हर महीना 8 हजार रूपिया आमदनी अर्जित करत हे। पहले वो ह अपन खेत म पारम्परिक तरीका ले ही खेती-किसानी अउ मजदूरी के बुता करत रहिस हे। एकर से परिवार के भरण-पोषण सही ढंग ले नई होवत रहिस हे। ओ ह अपन बाड़ी म साग सब्जि के खेती करे के विचार ले उद्यानिकी विभाग कती गांव म बाड़ी विकास ब कराए जात सर्वे म अपन नाम दर्ज करवाइस हे। उद्यानिकी विभाग के अधिकारी मन ह पोषण बाड़ी योजना अंतर्गत साग सब्जि के बीज, थरहा, वर्मी कम्पोस्ट उपलब्ध कराये हे। श्रीमती भगवन्तीन बाई ह उद्यानिकी विभाग के मार्गदर्शन म अपन 0.20 हेक्टेयर रकबा के बाड़ी म आज अपन मेहनत अउ लगन ले विविध प्रकार के साग सब्जि के उत्पादन करत हे। बाड़ी म उत्पादित साग सब्जि ल स्थानीय बजार म बेच के वो ह लगभग 25 ले 30 हजार रूपिया के लाभ अर्जित करत हे। बाड़ी योजना अब भगवन्तीन बाई के परिवार ब साग सब्जी के उपलब्धता के छोड़े आर्थिक आमदनी के जरिया बन गय हे। अब परिवार के सदस्य मन ब अपन बाड़ी म ही काम मिल गय हे। भगवन्तीन बाई अपन आमदनी ले खुस होके परिवार के माली हालत म सुधार अउ सहयोग ब शासन-प्रशासन के प्रति आभार व्यक्त करिस हे।