गरियाबंद : राशन कारड बने ले खुश होइन हितग्राही महिला मन

गरियाबंद, जिला के ग्राम मजरकट्टा के श्रीमती खेमिन बाई, श्रीमती राजनंदनी, श्रीमती दुर्गा, श्रीमती भारती अऊ श्रीमती भोज बाई अऊ ग्राम डोंगरीगांव के श्रीमती विद्या बाई अऊ श्रीमती गीता बाई व ग्राम खरहरी के पिंकी सिन्हा बीपीएल हितग्राही होए बाद घलोक राशन कार्ड नइ बने के सेती शासन के मुख्यमंत्री खाद्यान्न योजना के लाभ नइ लेहे पात रहिन। उमन खाद्य विभाग म राशन कारड बनाए बर आवेदन देहे रहिन। विभाग ह आवेदन के जांच करके हितग्राही महिला मन के प्रति सदस्य 10 किलो पात्रता वाले राशन कार्ड बनाइन। एखर से अब श्रीमती भारती बंजारे ल हा महिना 35 किलो अऊ आन हितग्राही महिला मन ल हर महिना 20 किलो खाद्यान्न चावल प्रदाय के पात्रता मिलत हे।
कलेक्टोरेट म आयोजित मेगा लीगल सर्विस कैम्प म हितग्राही महिला मन ल राशनकार्ड देहे गीस। शिविर के अतिथि मन ह अपन हाथले ए मन ल राशन कार्ड दीन। खुद के राशन कार्ड मिले ले अब ए महिला मन के परिवार ल खाद्यान्न के चिंता ले मुक्ति मिले हे। एखर खातिर उमन शासन-प्रशासन के प्रति धन्यवाद ज्ञापित करे हें।