कृष्णपुर के दिनेश कुमार ह गोबर बेच के बिसाईस फटफटी
सूरजपुर, 11 जनवरी 2021। छत्तीसगढ़ शासन के महत्वकांक्षी गोधन न्याय योजना आर्थिक रूप ले सशक्तिकरण के जरिया अऊ वरदान साबित होत दिखत हे। ये योजना चालू होए ले ग्राम पंचायत कृष्णपुर के दिनेश कुमार राजवाड़े पिता नेतलाल राजवाड़े ह ये योजना अंतर्गत 10191 किलो गोबर बेचिस। जेखर से दिनेश कुमार ल 20 हजार 3 सौ 82 रूपिया भुगतान मिलिस। पहिली कोनो योजना के तहत गोबर खरीदी नइ होत रहिस तेकर सेती, इंकर गोबर खेती के कामा आवत रहिस अऊ अइसहे बेकार परे रहत रहिस। गोधन न्याय योजना चालू होए ले बेकार परे गोबर के मोल समझ आइस अऊ सरकार के महत्वकांक्षी योजना ले गोबर बेच एला 20382 रूपिया मिलिस। पाए पईसा ले लइका मन के पढ़ई बर कॉपी, पेन, पुस्तक खरीदे म उपयोग करत हे। जेमां इंकर बड़े लइका कॉलेज म पढ़ाई करत हे अऊ छोटे लइका 11वीं म पढ़त हे अऊ एक लड़की घलोक हे जऊन दसवीं म पढ़ाई करत हे।
दिनेश कुमार के मुख्य रूप ले दूध उत्पादन के काम हे जऊन ल बेचे म पहिली परेशानी होत रहिस। गोबर बेचे ले जऊन पइसा मिले ले ओखर से किस्त म मोटरसाइकिल बिसाईस अऊ अब मोटरसाइकिल म दूघ बेचे सूरजपुर शहर जाथे, कुछ पइसा के उपयोग चारा खरीदे म करिस जेखर से दूध उत्पादन म बढ़ोतरी होइस अब ये आय ह इंकर कमई के पक्का जरिया हे हो गए हे। ये योजना के लाभ लेके श्री दिनेश कुमार बहुत खुश हे। वो ह जिला अऊ राज्य प्रशासन ल धन्यवाद देहे हे।
