रतिहा पुलिस परेड ग्राउंड पहुंचिन संस्कृति मंत्री श्री बृजमोहन अग्रवाल

‘गाथा श्री राम मंदिर की‘ कार्यक्रम के आयोजन के लीन जायज़ा
रायपुर, 18 जनवरी 2024। अयोध्या म श्री राम मंदिर के प्राण प्रतिष्ठा के बेरा म छत्तीसगढ़ म घलोक कई ठन कार्यक्रम के आयोजन करे जात हे। जेकर तैयारी जोर-सोर म चलत हे। इही कड़ी म छत्तीसगढ़ संस्कृति विभाग कोति ले 20 जनवरी के पुलिस परेड ग्राउंड म होवइया बहुप्रतीक्षित कार्यक्रम ‘गाथा श्री राम मंदिर की‘ के उत्साहपूर्वक तैयारी करे जात हे। भगवान श्री राम के गाथा तो सबो जानथे फेर भव्य मंदिर बनाए ल लेके पाछू 500 बछर के संघर्ष के जानकारी कम मनखे मन ल हे। अइसन म छत्तीसगढ़ संस्कृति विभाग कोति ले ए आयोजन के माध्यम ले जनता ल भव्य श्री राम मंदिर के महागाथा ले परिचित कराए के उद्देश्य ले ये आयोजन कराए जात हे।
एखरे खातिर धार्मिक न्यास अउ धर्मस्व, पर्यटन अउ संस्कृति मंत्री श्री बृजमोहन अग्रवाल ह देर रात कार्यक्रम स्थल पुलिस परेड ग्राउंड म तैयारी के जायज़ा लीन। ए बेरा म आयोजन समिति के पदाधिकारी, पुलिस, प्रशासन, नगर निगम, पर्यटन, संस्कृति, धर्मस्व विभाग के अधिकारी मन ले मुलाकात करके उमन जानकारी लीन अऊ जरूरी दिशा निर्देश दीन।
एखर अलावा मंत्री श्री अग्रवाल वीआईपी रोड स्थित श्री राम मंदिर घलोक गीन अऊ उहां होत तैयारी के घलोक जायजा लीन। श्री अग्रवाल ह कहिन कि, पूरा देश अऊ दुनिया म प्रभु श्री राम के आए के प्रतीक्षा होवत हे अऊ श्री राम के ननिहाल खासतौर म प्रभु के आगमन ल लेके उत्साहित हे अऊ ये मां कोनो कोर कसर नइ छोड़े जाए। अधिकारी मन ल जरूरी निर्देश देहे गए हे अऊ आयोजन मन उपर नजर रखे बर श्री अग्रवाल तैयारी मन के जायज़ा लेहे पुलिस परेड ग्राउंड अऊ श्री राम मंदिर पहुंचिन।
आप जानतेच हव के ए गाथा म श्रीराम ले चल के लवकुश ले शुरू होके अयोध्या म होए हमला अऊ अयोध्या के रक्षक मन के चर्चा होए हे जेमां हर ओ महत्वपूर्ण मनखे के उल्लेख हे, जेन अयोध्या अऊ श्रीराम मंदिर ले सम्बद्ध हे। संगेच राजा विक्रमादित्य अऊ माँ अहिल्याबाई होल्कर से मंदिर के जीर्णाेद्धार, बैरागी साधु मन के संघर्ष, गर्भगृह ले रामलला के निकाले जाना, गर्भगृह म रामलला के प्रकट होना, कार सेवा, कोठारी बन्धु मन के बलिदान, राजनीतिक उथल-पुथल अऊ अभी हाल निर्माणाधीन मंदिर के भव्यता, दिव्यता अऊ ओखर पीछू केंद्र अऊ राज्य सरकार के संकल्प के चित्रण करे जाही।